mendi buelta egin, eta jai eguna festa giroan pasatzeko aukera eskaintzen dute uz­tailaren 31ro, Santa Bar­baran. San Inazio eguna da bihar, eta egun osorako ekitaldiak antolatu dituzte, guztientzat.
Trikitilariek girotuko di­tuzte goizeko aurreneko or­duak, bertso saioaren aurretik. 11:00etan, Aitor Mendi­luze, Eñaut Martikorena, Oier Iurramendi eta Antton Garin ariko dira bertsotan. Gipuzkoako patroiaren omenezko meza, 12:00etan izango da, ermitan.

Herri kirolak, meza ostean
Eguerdi partean, 13:00etan hasita, herri kirolek girotuko dute: aizkoran, txingetan, lokotxak biltzen... animoak beharko dituzte!
Eguerdian bertan geratu nahi dutenek, izango dute aukera. Bazkaria antolatu dute: marmitakoa, txuleta... guztia 25 euroan. Txartelak erosteko azken eguna gaur da, eta Aralarren eta Kitton daude, salgai.
Arratsaldean, lagunarteko toka txapelketa jokatuko da; eta ordu berean, 16:30­etan, umeentzako jolasak eta txokolatada antolatu dituzte. Eta eguna, hasi bezala bukatuko dute, musikarekin; erro­­meria izango da arratsaldeko 17:00­etatik 19:00etara.

Zabaldu!