Kronikara bidalitako originalean, eta abenduaren 4an argitaratutakoan, Cristina-Eneako hizlaria Michael Wintzel izan zela esan nuen, Carlos Martinez Or­gado ISRko zuzendaria esan beharrean. Aurreko egunean, Bi­te­rin izan zen Xabier Olano, Usurbilgo Udaleko kontuhar­tzailea, eta Usurbilgo Atez Atekoaren gestio ekonomikoa azaldu zuen, eta balantzea aurkeztu zuen. Balantzea egiterakoan, Olano 2010eko aurreneko seihilekoko datu errealetan oinarri­tzen da, eta urte batekoa osatzeko bider bi egiten du. Balantzea defizitarioa da Gipuzkoako herri guztietan; baina ezarritako hiru sistemen konparaketa egiterakoan, Atez Atekoa da defizit gutxiena duena. Usurbilen bilketa sistema lau hilabetero aldatuko balute, lau kontenedoreko sistemarekin defizita 101.181 eurokoa izango litzateke; bost kontenedoreko sistemarekin 130.690 eurokoa; eta Atez Atekoarekin 88.029 eurokoa. Urtetako zabortegiko kontaminazioa eta usain txarra proportzioan dijoa bertara botatzen den materia organikoarekin. Kasu honetan, aurreneko hilabetean Usur­bilek %100 eramango luke, bigarrengoan %88-93, eta hirugarrengoan %0. Hori inertizatzeak eta ixteak sor­tzen duen gastuak pro­por­tzio bera izango du 2013­an... eta nola ordainduko da? Hernaniko proportzioa an­tzekoa izango da. Hala ere, Atez Atekoa oraindik gaizki egiten dutenek igo egiten dute proportzio hori; boltsa edozein modutara ateratzen dute, edo edozein lekutan uzten dute, badakite eta hondakin-boltsak ez duela matrikularik. Usurbilen 2009ko martxoan hasi ziren eta 2010eko urrian ezin izan dute balan­tze hau aurkeztu, ez baitute oraindik papera, kartoia eta ontzi arinak erosi dizkien enpresaren dirua jaso. Hernanin diru-sarrera hauen partidak jaso ez izanak zurrumurru asko sortzen ditu, tartean, Atez Atekoak sortzen duen galera; Usurbilen, 2010eko irailera arte ere berdin erabil zezaketen, baina ebiden­tziak aurre hartu dio inteligen­tziari... eta despolitizazioak kontzien­tziazioari.