Asteburu honetan Osiñaga auzoan aukerarik ez da faltako. Alde batetik auzoko jaiak ospatuko ditugu, larunbatean eta igandean, eta beste aldetik AHT GELDITU taldeak, Elorrabitik Kara­belera, giza katea antolatu du. Bi aukera paregabeak, auzoko jaiak ezagutzeko eta Abiadura Handiko Trenaren lanak auzoan zehar egiten ari diren txikizioa ikusteko. Osiñaga auzoko jaiak eta baita larunbatean antolatu den giza kateak ere, herri honek elkar lanean eta elkartasunean oinarriturik bizitzeko duen nahia erakusten dute, eta horregatik dira garrantzitsuak. Biak ondo uztartzen dira, jaiak eta erreibindikazioa, eta bietan parte hartzera gonbidatzen zaituztegu. Baita, aldez aurretik, asteburu honetan gurekin jaietan pasatzera etorriko zareten guztioi, nahiz larunbatean elkartasuna adieraztera etorriko zaretenoi esker beroenak eman nahi dizkizuegu ere. Ongi etorriak eta mila esker!!!