Aste
Santuan alojamendua erabat beteta Hernanin
Turista
gehienak katalana dira eta Donostiak edo inguruak
erakarrita datoz Hernanira.
Aste
Santuan Hernaniko alojamendua erabat beteta egon da, eta normalean
bezala katalanak etorri dira gehiena. Ostegunetik iganderako egunak
izan dira jende gehienekoak. Aurten, hala ere, bisitari askok oporrak
luzatu egin dituzte eta Aste Santu aurreko astean ere turista dezentek
hartu du ostatu Hernanin. Hernanin ostatu hartzen duten gehienak,
ordea, ez datoz propio gurera, Donostiara joango litzatekeen bezala.
Donostiatik ordu laurdenera eta ondo komunikatuta egoteak, eta alojamendua
merkexeagoa izateak bultzatuta datoz gehienbat. Hernanik 100 plaza
inguru ditu alojamenduetan: hotela, pentsioa eta lau agroturismo.
Hernanin
ere gora
Turismoa gora dijoa Hernanin, eta sagardotegi garaian lan asko egiten
dute, batez ere larunbatetan. Sektoreak baditu kezkak ere: besteak
beste, legez kanpoko alojamendu eskaintza haundia, eta Aste Santuetatik
aurrera bezero denei karneteko datuak hartu beharra eta 24 ordutan
Ertzaintzari bidali.
Aurten
ere katalanak gehienak
Urtero turista katalanak dira Hernanin ostatu hartzen
duten gehienak. Normalean, bikote gazteak, bikote koadrilak edo ume
eta guzti datozen familia gazteak izaten dira.
Aste
santuan Hernanin alojamendu plaza guztiak beteta egon dira, batez
ere ostegunetik larunbatera, eta aurten ere katalanak izan dira bisitatu
gaituzten gehienak. Aurten gainera, bestetan baino ere proportzio
haundiagoan. Turismo motari dagokionez, bikote gazteak eta familia
gazteak dira batez ere Hernanira datozenak. Sektoreko ordezkarien
esanetan, turista horiek denak ez datoz honuntza Hernanik berak erakarrita,
baina, Hernani puntu egokia jotzen dute beren planetarako: Donostiatik
10-15 minutura dagoenez eta inguruko herriak bisitatzeko ondo komunikatuta.
Donostia baino merkexeagoa ere bada. Chillida-Leku eta Sagardotegiak
ere erreklamo ona dira.
Donostia ez ezik, Hondarribia, Zarautz, Goierri, Iparraldea eta Bilbo
ere bisitatzen omen dituzte Hernanin ostatu hartzen duten turistek.
Eguna kanpoan pasa eta normalean ilunabarrean bisitatzen dute herria.
Bat baino gehiago beldurrez ere etortzen omen da eta Hernaniri buruz
zuen ideia erabat aldatuta joan bueltan.
100
plaza inguru
Hernanin hotel bat, pentsio bat eta lau nekazal etxe daude. Denera,
100 plaza dituzte, baina, ohe supletorioekin beste 125 ingururentzako
dute. Jende gehienak internetez bilatu eta egiten du kontaktua, baina,
ahoz aho zabaltzen den informazioak ere asko funtzionatzen omen du.
Aste Santuan turista gehienek 3 gau pasatu dituzte Hernanin, baina,
udaran normalena da egun bat edo gehienez bi pasatzea.
Sagardotegiak
eta langileak
Hernaniko pentsio, agroturismo eta hoteleko arduradunen esanetan,
udaran, oporraldi motzetan, asteburuetan eta zubietan, normalean plaza
gehienak beteta egoten dira. Baina, negua luzea dela diote, eta aste
barrua ere bai. Alde horretatik, lan munduko jendea eta sagardotegietara
datorren jendea da garai horretan nagusi. Sagardotegi garaian, jende
asko bertan gelditzen da lotan, batez ere larunbatetan. Urrutiagokoak
ere bai, baina, normalean Bizkaia edo Nafarroako jendea izaten da,
eta askok urte batetik bestera hartzen dute lekua. Sagarrondotik ekitaldian
ere, badira 200 eskaritik gora jasotako agroturismoak.
EAEn turismoa gora dijoa eta 2004an orain arteko bisitari markak hautsi
egin ziren. Hernanin ere azken urteetan sektore hori gora dijoa, sektoreko
ordezkariek adierazi dutenez. Era berean, gehienek uste dute Hernani
azpiegituraz eta ekitaldi aldetik ondo osatuta dagoela turismorako,
zer hobetua beti dagoela aitortu arren.
Prezioak
Hernanin
Aste Santuan pertsona bakarrarentzako gela 28-50 euro bitartean kostatzen
da Hernanin. Bi pertsonentzako gela 35-68 euro artean.
«Hernanin
50 ohe egongo dira modu ilegalean»
Ostalari batzuk konpetentzia ilegala salatu dute
Lan
munduko bezeroak oinarri inportantea dira Hernanin ostalaritzarentzat.
Enpresatako jendeak askotan Hernanin hartzen dute ostatua eta
obra haundietako langile askok ere normalean aste barrua Hernanin
edo inguruan pasatzen dute. Bezero horietako gehienak, ordea,
ez dijoaz Hernaniko hotel, pentsio edo nekazal turismoetara.
Aukera merkeagoak bilatzen dituzte, zerbitzu hori emateko baimenik
ez dutenak. Ostalaritzako sektoreko zenbaitek salatu du Hernanin
50 ohe baino gehiago egon litezkeela (Hernaniko alojamendu eskaintzaren
erdia) zerbitzu hori ematen eta oso merke: eguneko 6 euro aipatu
dute. Urnietan ere beste hainbeste daudela adierazi dute. Ostalariek
salatu dute hori konpetentzia ilegala dela eta kalte haundia
egiten dietela. «Guk, zerbitzua legez emateko, hainbeste
zerga ordaindu eta gero klientea bestera joan. Enkargatu jendea
eta bai, gurera etortzen dira, baina, langileak ez, dietak oso
gutxi ordaintzen dizkiotelako. Urumeako autobiaren obretan dabiltzanetik
inor ez dago Hernaniko hotel eta pentsiotan». Ostalariek
adierazi dute Ertzaintza jakinaren gainean dagoela, baina, oraingoz
ez duela ezer egin.
16
urtez gorako guztiei datuak hartu eta 24 ordutan Ertzaintzari
bidali beharko dizkiote
Aste Santutik aurrera hasiko dira
Bada
beste gai bat ostalariak kezkatzen dituena. Europatik hala aginduta,
ostalariek 16 urtetik gorako bezero guztiei karneteko datuak
hartu beharko dizkiete, eta 24 ordu baino lehen Ertzaintzari
bidali. Berez, Estatuko beste lekuetan, joan deneko 3-4 urteetan
egiten da hori eta komunitate autonomoa da azkenetakoa. Eta
Aste Santua pasata dute martxan jartzekoa.
Ostalari batzuen esanetan, bezero denei banan-bana datuak hartu
eta bidaltzen ibili behar izatea izugarrizko lana da, batetik.
Eta bestetik, jendea uxatzeko bidea izan litekeela ere ikusten
dute. «Zer hasi behar dut nik Sagardotegira etorri eta
goizaldera lotara datorren gazte koadrila osoari karneteko datuak
hartzen? Badakizu gauza nola dagoen. Ulertzen didazu ezta? Hernanin
kaltea ekarriko digu» zioen ostalari batek. Sektoreko
ordezkariak Barne Sailarekin hizketan ari dira. |
ELKARTZEN
“Orain garrantzitsuena bonobusaren aldeko
pausoak ematea da”
Beren ustez Udalak behar du izan “lehendabiziko
interesatua”
ELKARTZENek
Kronikara bidalitako idatzi batean adierazi du Udaletxean eta Diputazioan
firmak aurkeztu eta Udaletxeak mozioa onartu ondoren, orain bonobusa
eta bonobus sozialaren aldeko pausuak ematea dela garrantzitsuena.
Hirugarren fase batean bonobus sistemaren jarraipena egin beharko
litzatekeela uste du Elkartzenek.
Onartutako
mozioa
Udaletxean aurkeztutako mozioan eskatzen da batetik, “herritar
guztientzat izango den eta garraio publikoaren prezioa murriztuko
duen bonobusaren eraketa gauzatzea”; bestetik, “pobreziaren
azpitik dauden herritarrentzat (778 euro7/hileko) bonobus soziala
sortzea”; eta azkenenik, “pausoak eman ditzatela eskakizun
hauek lehenbailehen gauzatu daitezen”.
Mozio hau Udaletxean onartu zela azaldu du Elkartzenek, “honek
dakartzan konpromezu guztiak bere gain hartuaz” diote. Horrekin
batera Elkartzenek azaldu du “mozioa hau pleno ireki batean
aztertzea eta eztabaidatzea zen gure helburua, herritarrek parte hartu
dezaten, baina Udal gobernua osatzen duten alderdiek modu itxian erabaki
zuten hausnarketa burutzea” adierazi du.
Udaletxeak
iniziatiba
Elkartzenek dio honekin borroka honen aurreneko fasea bukatu dela.
Herritarren jarrera positibotzat baloratzen dute baina diote “Udalak
izan beharko lukeela honelako arazoei soluzioa ematen eta soluzioak
bilatzen lehendabiziko interesatua”.
Pausuak
eman behar
Garraio publikoaren aldeko borrokaren bigarren fasean garrantzitsuena
bonobus eta bonobus sozialaren aldeko pausuak ematea dela diote. “Konpromezuak
eta hitz politak haizeak eraman ditzala” diote. Azaldu dute
milaka hernaniarren eskakizuna betetzea Udalaren eskuetan dagoela
eta iritsi dela “benetan lana egiteko garaia”.