Quiroga
Laukoteak zabalduko du gaur Chillida-Lekuko ‘Hamabostaldia’
Chillida-Lekun
musikaren sortze prozesua azaldu nahi izan dute aurten, lau kontzerturen
bitartez .Quiroga Laukotea Manuel Quiroga biolin jole gallegoaren
omenezko talde gaztea da: Aitor Hevia, Cibran Sierra (biolina) Lander
Etxeberria (biola) eta Elena Escalzak (biolontxeloa) osatzen dute.
Musika Hamabostaldiaren barruan, gaur hasiko da Chillida-Leku museoan
izango diren emanaldiak. Quiroga soka Laukoteak zabalduko du lau kontzertuko
egitaraua eta lau kontzertu izango dira, asteartero bana. Jose Inazio
Ansorena eta Joserra Senperenaren arteko kontzertua, Marife Nogales
eta Ana Maria Ochoa kantariak, eta Migel Ituarte piano jolea etorriko
dira, besteak beste Hernanira.
Orain artean Zabalagan protagonista nagusia musika kontenporaneoa
izan bada ere, laugarren urte honek planteamendu berria du. Alejandro
Zabala Musikeneko zuzendaria izan da ziklo berri honen bultzatzailea:
“kontzertuei marko teoriko estetiko moduko bat emateko bultzatu
nahi dugu Chillida-Lekuko eszenarioa” esan zuen Zabalagan egingo
diren emanaldien inguruan. “Zerk bultzatzen du musika sormena?
Galdera horri erantzun nahi dio aurtengo programak” Zabalaren
esanetan. Horrela, kontzertu bakoitzak sormen horren atzean dauden
lau indar erreprensatuko ditu: hitza, inprobisazioa, kontzeptua eta
pintura.
Quiroga Laukoteak helduko dio gaurko kontzertuari. Aitor Hevia, Cibran
Sierra, Lander Etxeberria eta Elena Escalzak “idea eta estilo
musikalari helduko diote eta horretarako Beethoven eta Brahmsen obrak
interpretatuko dituzte, 19:00etatik aurrera.
Jazza
eta kantu tradizionala
Bigarren kontzertuan Jose Inazio Ansorena txistularia eta Joserra
Senperena piano joleak arituko dira, Andoni Egaña bertsolaria,
Kirmen Uribe poeta eta Jon Maia dantzariak lagun dituztela. Inprobisazioa
izango dute ardatza. Joserra Senperena jazz mundutik dator eta Ansorenak
kantugintza tradizionala sakondu du gehiena. Txistulariaren ustetan,
datorren kontzertua “esperientzi poetikoa izango da, bi mundu
horien arteko konbinaziotik sortutakoa”.
Hitzaren bueltan berriz, Ana Mari Ochoa sopranoa, Marife Nogales mezzosopranoa
eta Ainhoa Urkijo piano jolea izango dira protagonista. F. Schubert,
R. Schumann, J. Brahms, G. Faure, C. Debussy eta abarren obrak interpretatuko
dituzte abuztuaren 24an.
Aurtengo ziklo hau bukatzeko, Migel Ituarte piano jolea musika eta
pinturaren arteko harremanetan barrena ibiliko da, Schönberg
eta Mussorsgskyren obrak interpretatuta.
Luis
Chillida, pozik
Luis Chillida Hernaniko Museoko zuzendariak pozik da laugarren urtez
Hamabostaldia Chillida-Lekura etorri izanagatik eta aipatu zuen Eduardo
Chillidarentzat musika oso garrantzitsua izan zela beti.
Lau
indar sortzaile, Lau kontzertu
Abuztuak
10 Kontzeptua.
Quiroga Laukotea.
Abuztuak 17 Inprobisazioa.
Jose Inazio Ansorena txistularia, Joserra Senperena piano
jolea. Kirmen Uribe poeta, Jon Maia dantzaria eta Andoni Egaña
bertsolaria.
Abuztuak 24 Hitza.
Ana Maria Ochoa sopranoa, Marife Nogales mezzosopranoa eta
Ainhoa Urkijo piano jolea.
Abuztuak 31 Pintura.
Migel Ituarte piano jolea.
Sarrera: 6 euro.
|
Oarso,
Victor Hugo eta Tilosetako kioskoak botako dituzte aste honetan
Atzo
bota zuten Tilosetako kioskoa eta beste biak aste honetan botako dituzte.
Udaletxeak dio kioskoak inork ez hartu izana dela hauek botatzeko
arrazoia.
Atzo bota zuten Tilosetako frontoi atzeko kioskoa Udaletxeko langileek.
Horretaz gain aste honetan bertan Oarso eta Victor Hugo kaleetan dauden
kioskoak botatzeko asmoa dagoela adierazi zioten Kronikari Udaletxeko
langileek.
Kioskoa botatzeko erabakia aurtengo uztailaren 1ean egindako Tokiko
Gobernu Batzarrean hartu zen. Lehiaketa publiko ezberdinak egin ondoren
kioskoak hutsik jarraitzea eta bere garaian kiosko ardura hartu zutenek
epea baino lehen kioskoa utzi izana dira Udaletxearen hitzetan kioskoak
botatzeko arrazoia.
Zeberio
IIa eta Altuna Ia ligilako azken
txartelaren bila gaur
Zeberio
IIa gaur sartuko da txapelketan n Altuna Iak Aizpuru eta Etxabe utzi
ditu kanpoan n Partidua arratsaldeko 17:00etan izango da, Galarretan.
Buruz
buruko erremonte txapelketa aurrera dijoa eta geroz eta emozio haundiagoa
hartzen ari du. Gaur Patxi Zeberio sartuko da txapelketan, orain dela
bi urte finala jokatu zuen erremontista. Aurrean Imanol Altuna izango
du eta semifinaletako ligilan nor sartu jokatuko dute Galarretan.
Palmaresari begiratuta, Patxi Zeberio da faborito, orain bi urte finala
jokatzeaz gain, iaz ere hiru onenen ligilan sartu zelako. Helduaindarrak,
ordea, gaur du lehenengo partidua eta Imanol Altuna amezketarrak dagoeneko
bi kontrario utzi ditu txapelketatik kanpora. Eta partidu serio eta
onak jokatuta. Estatistikek ezer gutxi balio dute, baina, bi erremontista
horiek 1999an jokatu zuten txapelketan elkarren kontra eta Altunak
35-17 irabazi zuen orduan.
Beste partiduak
Beste hiru partidu ere jokatuko dira gaur Galarretan. Jaialdia arratsaldeko
16:00etan hasiko da eta aurreneko partidua izango da: Zalakain/Gaztelu;
jaialdiko bigarren partidua Zeberio IIak eta Altuna Iak jokatuko dutena
da; hirugarrena, Altuna II-Badiola/ Bitoria-Aizpuru eta jaialdiko
azkenekoa, Juaristi-Iriarte/Bereziartua-Etxabe.