Hernani
berritzeko 10 proiektu eta 20 miloi euroko aurrekontua Jaurlaritzaren
‘Izartu’ programara
‘Izartu’ gainbeheran dauden inguruak bultzatzeko programa
da eta Hernaniko Udalak 4.000.000 euroko (664.744 miloi pta) laguntza
eskatu du Jaurlaritzara n Erantzuna udara pasata espero da.
Udalak
10 proiektu eta 20.223.293 euroko aurrekontua aurkeztu ditu Jaurlaritzaren
Izartu programaren diru laguntza jasotzeko. Izartu gainbeheran dauden
inguruak berritzen laguntzeko programa da. Hernanik laguntza horiek
jasotzeko eskatzen diren zenbait baldintza betetzen ditu eta proiektuen
% 50eko finantziazioa lortu lezake Gasteizko Gobernutik. Programa
horrek laguntzak banatuko dituen bigarren aldia da eta Iñaki
Arratibelen hitzetan Hernaniko Udalak aurten eskatuko du laguntza
hori aurrenekoz.
Udalak Izartu programan aurkezteko eskariak ‘Hernani 2008’
proiektuan bildu ditu, inbertsioak lau urteko epean egitea aurrikusita.
Proiektuak dagoeneko martxan daudenak dira eta hiru oinarri nagusi
dituzte: garapen eramangarria, irisbide plana eta hiriberritzea. Hirurak
ere Agenda 21 eramangarritasun planaren barruan dijoazen oinarriak
dira.
Zenbakietan, 20.223.293 horietatik ia erdia ingurugiro azpiegiturak
egiteko proiektuak dira (9.460.000 euro) eta bestea urbanizazioak
berritu eta zenbait zerbitzu moldatzeko (10.762.000 euro).
Joxan
Rekondo
(Udal Aldizkaria)
“Erronka garrantzitsua daukagu 60 eta 70 hamarkadetan
egindako auzoetako bizi kalitatea hobetzen. Auzo horiek desarroilismo
garaian eta dotazio komunitario eskasekin egin ziren”.
(...) “Jaurlaritzaren laguntza lortu edo ez auzo horiek
berritzeko lanak ezin dira atzeratu. Dagoeneko lanean hasita
gaude eta faseka osatzeko asmoa dugu”. |
Santa
Barbarako harrobia
Izartu programara aukeztutako proiekturik haundiena, dirutan behintzat,
Santa Barbarako harrobia berritu eta aisialdi gune jartzeko da, denera
7 mila euro pasako proposamena aurkeztu baitu Udalak. Bigarren proiektu
haundiena Portu eta Floridan trenbide azpiko pasabideak hobetzea da.
Obra horiek 4.434.000 euro inguru kostako lirateke.
Bestalde, Sandiusterriko zaharren egoitza haunditu eta moldatzeko
ere ia 3.000.000 euro pasako proiektua aurkeztu du. Izartu programan
sartutako beste proiektuak dira: Arriatsuko ingurugiro Eskola; bidegorri
sarea; urbanizazioa eta zerbitzuak berritu La Cumbren eta Elizatxon;
Sorgintxulo eta Latsunbeberri arteko urbanizazioa; eta irisbide plana.
Laguntzak izango diren udara pasata jakingo da seguruena.
Hernaniren
‘ahuleziak’
Gainbeheran dauden inguruei laguntzeko Jaurlaritzaren programaren
harira, Udal Aldizkariak Hernaniri buruzko zenbait datu ematen ditu.
Hiru ahulezi azpimarratzen dira: 1) 1986 ezkeroztik % 4,3 galdu da
populazioa, EAEn halako bi, eta jendeak alde egin izana jotzen du
horren arrazoi nagusitzat; 2) Bigarren ahulezia da kualifikazio falta.
Herritarren %57ak lehen mailako heziketa edo bajuagoak ditu. EAE indize
hori % 54koa da; 3) Hernaniko etxeek ingurukoek baino erosotasun gutxiago
dute.
Ahuleziei gain hartzeko elementu positiboak ere aipatzen dira. Nagusiena
da lan jarduera tasa altua.
Negu
giroak ez zuen federik hoztu
Euritan eta hotzetan, urteroko jendetza izan zen Santa Barbararako
Gurutz Bidean. Gaurko Meza Nagusiarekin bukatuko dira Aste Santuko
ekitaldi erlijiosoak.
Negu
giroak negu giro, aurten ere ehundaka pertsona izan ziren Santa Barbarako
Gurutz Bidean, Ostiral Santu egunean. Azken urteetan eguraldi bikainarekin
ohituta, herenegun euritan eta 5-6 graduko tenperaturan egin zituzten
Jesusen Gurutz Bidearen 14 geldialdiak. Jendearen erantzuna ikusita
“18 urte hemen eta oraindik ez nuen Hernani ezagutzen”
esan zuen Manuel Odriozola parrokoak. Eta “Hau ere Hernani da”
bota zuen gero.
Santa Barbarakoa ez zen izan Gurutz Bide bakarra, eta herriko hiru
parrokietan ere ospatu zen ekitaldi erlijiosoa.
Juan Bataitzailean entzun ziren ideatako bat izan zen pertsona izan
nahi duenak hurkoa izan behar duela. Aipatu zen asko daudela Jainkoagatik
edozer egiteko pronto. Hurkoagatik ere gauza bera egin eta berdin
jokatzearen garrantzia azpimarratu zen.
Gurutz Bidean gerrak, hilketak, gosea, injustiziak, torturak eta presoen
egoera kritikatu besteak beste. Giza eskubideak aldarrikatu eta “indarkeriarik
gabeko indarrean” sinisteko eskatzean gain, beste mezuetako
bat izan zen “lasai bizitzeko arrazoi bila ibili beharrean,
elkarri laguntzeko arrazoi bila ibiltzeko”
Pazko
Igandea gaur
Erramu Igandean hasitako ekitaldiak, gaur, Pazko Igandean bukatuko
dira hiru elizetan egingo den Meza Nagusiarekin: Ereñotzuko
San Antonio elizan 10:30etan, Alde Zaharreko Juan Bataiatzailean 11:00etan,
eta Floridako Jose Langilean, 12:00etan.