Ume
parkeetan, Antziolako kirol pistan eta Atarrabiyo parkean txakurrak
sartzea debekatu du Udalak
Plenoak
onartua: Atzoko Plenoak onartu zuen neurri berria, eta animalien gaineko
ordenantzaren barruan dijoa.Kartelak: Txakurrak sartzea galazita dagoela
dioten kartelak jarriko ditu Udalak 23 leku horietan.Gobernu Batzarra:
Gobernu Batzarra ere bildu zen atzo Udaletxean eta kontuen Auditoria
lehiaketara deitzea erabaki zuen.
Plenoa
eta Gobernu Batzarra izan ziren atzo Udaletxean. Plenoan 8 puntu zituzten
eztabaidarako eta horietako bat Animaliak Eduki eta Babestea arautzen
duen Ordenantzaren aldaketa zen. Hemendik aurrera ume parkeetan, Antziolako
kirol pistan eta inguruan eta Atarrabiyo parkean ezingo dira txakurrak
sartu. Plenoak onartutakoaren arabera, kartelak jarriko dituzte parke
hauetan, txakurrik sartu ezin dela adierazteko. Azken aldian kejak
izan dira parkeetan txakur kakak eta txakurrek eragindako zenbait
txikizio zeudelako eta neurri hau hartzea erabaki du Udalak.
Horrez gain, onartu zen Udalak eskaera egitea Diputazioari Diputazioaren
eskumeneko rotondetan mantenimentua Udalak eramateko, nahiz jabetza
Diputazioaren esku jarraitu. Rotondak dira: Martindegikoak, Zikuñagakoa,
Ibai Ondo poligonokoa, Mandazubikoa eta Galarretakoa.
BH
erantzunaren zai
Pleno bukaeran Bildu Hernani plataformako kideek hitz egin zuten eta
esan zuten martxoan erregistro bitartez eskatu zituela Pleno eta Gobernu
Batzarretako gai ordenak eta sarrera eta irteera erregistroak eta
oraindik ez dutela erantzunik jaso. Uztailean berriro ere egin zituzten
eskaera hau eta beste batzuk, eta hauek ere jaso ez dituztela esan
zuten. Bildu Hernanik galdetu zuen ia 6 hilabeterokoa izango den Udalarekin
harremana. Horrez gain, salatu zuten inmigrazioarekin lotutako lanak
Berdintasun Sailera zuzendu dituela Gobernu Taldeak, sail propio bat
sortu beharrean.
Gobernu
Batzarra
Gobernu Batzarra ere bildu zen atzo eta Udaleko kontuen eta aurrekontuen
kontrola enpresa auditoreen artean lehiaketara ateratzea erabaki zuten.
Lau urterako hartuko litzateke auditoria egingo lukeen enpresa. Orain
BZ Consulting enpresak pasatzen du auditoria. Horrez gain, Elizatxoko
auzoan egoera txarrean dagoen horma bat kendu eta berria egitea ere
onartu zen eta La Cumbren bizilagunek terrenoak emateagatik eskatutako
konpentsazioak ere onartu zituen atzoko Gobernu Batzarrak.
‘Sagastiya’ko
plan partziala, eta Aitor Zinean
etxeak egiteko eskaera Hirigintza Batzordera
“Sagastiyan”
340 etxe dituzte egitekoak eta Aitor Zinean 40 etxe.
Hirigintza
Batzordea bilduko da gaur Udaletxean, eguerdiko 13:00etan, eta
13 puntu dituzte eztabaidarako. Puntuetako bat Eusko Jaurlaritzako
Etxebizitza eta Gai Sozialetako Sailak Sagastiyarako aurkeztutako
plan partziala da. Sagastiyan babes ofizialeko 340 etxe dituzte
egitekoak eta bere garaian Udalak eta Eusko Jaurlaritzak sinatutako
konbenioaren arabera 170 hernaniarrentzat izango lirateke. 340
etxe hauetatik 80 sozialak izango dira (errenta bajuenak dituztenentzat).
Gaur plan partziala pasako da Hirigintza Batzordetik (etxeak
non joango diren, bideak eta abar) eta behin pauso hori eman
eta onartzean, etxeen proiektua onartu beharko da obrak egiten
hasi ahal izateko.
Aitor
zinean etxeak
Hirigintza Batzordeak seguruenera onartuko duen beste puntuetako
bat Aitor Zinean 40 etxebizitza egiteko eskaria da. Hirigintza
Batzordeak onartzen badu lehengo zine zaharra etxebizitza egiteko
plana, Diputazioak onartu beharko du PERIa eta ondorenean tramitatu
beharko litzateke proiektua.
Elizako
fatxada konpondu
Elizako fatxada konpontzeko Manuel Olaizola parrokoak egindako
eskaria ere gaurko Hirigintza Batzordeak aztertuko du. Puntu
horiez gain, Atsegindegiko Urbanizazio proiektuko behin betiko
onarpena eman beharko du Hirigintza Batzordeak. Ereñotzuko
etxeei buruzko puntu bat ere bada konpensazio sistemari bu-ruzkoa.
Behin hau onartuta proiektua onartzea faltako da Babes Ofizialeko
etxeak egiten hasi ahal izateko.
|
Palan
jokatzeko entrenamenduak bihar
Zita bihar goizean
jarri dute goizeko 10:30etan, kiroldegiko frontoian
Palan
hasteko aukera izango dute 8 urtetik gorako neskek. Izena eman eta
entrenamenduekin hasteko zita biharko egin dute: goizeko 10:30tan
gelditu dira, kiroldegiko frontoian. Hernaniko kluba da Gipuzkoa mailan
paletan jokatzen duen neska gehiena dituena eta harrobiari eusteko
asmotan dira aurtengo denboraldian ere.
Iaz
30 pelotari
Pasa den denboraldian guztira 30 bat pelotari aritu dira Hernanin
palan. 8 eta 12 urte bitartean 24 izan dira palan aritu diren neskak
eta adin hauetan, konpetizio ofizialik ez dagoenez, San Joanetan barne
txapelketa egiten dute bertako pelotariek. Bestalde, aurten aurreneko
aldiz Etxarri-Aranazen egin zen txapelketa batera joan ziren eta nahiko
partidu txukunak jokatu zituzten Hernaniko pelotari gazteek. Igantzin
ere izan dira duela gutxi Hernaniko pelotariak eta printzipioz egun
pasa zena txapelketa bihurtu zen eta horregatik, irailaren 26an txapelketa
honetako finala jokatuko dute.
Alebin eta kadeteak oraindik partidu batzuk dituzte jokatzeko. Asteburu
honetan kadeteek jokatuko dute.
Gipuzkoako
txapelketa
13 eta 14 urteko 6 neska aritu dira pasa den denboraldi honetan palan,
Hernaniren izenean. Gipuzkoako Txapelketan jokatu duten bikote bakarrak
izan dira eta txapeldun eta txapeldunorde geratu dira. Euskadiko txapelketan
parte hartu dute jubenil mailan.
Bestalde, nagusietan ere badira Hernanin punta puntan dabiltzan pelotariak
eta horrelako harrobiarekin gehiago ere izango dira.
Plater
Tiroa
Txirta
Espainiako Txapeldun gelditu da Foso
Universal modalitatean
Bost urtetik gorako
neska-mutilak hartu lezakete parte . Arantxa Garin dantzariak emango
ditu klaseak.Informazio gehiago bihar, 17:00etatik, 19:00etara.
Foso
Universal modalitateko Espainiako txapelketak jokatu berri dira Valladoliden
eta taldeka Txirta gelditu da txapeldun, emozioz betetako bukaera
baten ondoren. Azken txanpara Castilla la Manchako Villarejo kluba
eta Txirta iritsi ziren, Villarejo 410 plater puskatuta eta Txirta
409 platerekin. azken 3 serieetan Alberto Fernandez Villarejoko kidea
eta Chipre modalitatean munduko txapelduna eta Ion Azpiazu Txirtako
kidea neurtu ziren. Azpiazuak 75 plateretatik 75 jo zituen (25/25,
25/25, 25/25) hutsik gabe eta Fernandezek 73 plater (25/25, 25/25,
23/25) . Beraz Txirtak irabazi zuen azkenean txapelketa plater baten
aldearekin. Azpiazuz gain, Balentin Martinez eta Antonio Malok osatu
dute Txirtako taldea.
Lehen taldea
Txirtako kideek Kronikari esan diotenez Euskal Herriko lehen taldea
da Txirta titulu hau lortzen, berek dituzten datuen arabera behintzat.
Guztira 216 tiratzailek hartu zuten parte eta banakako irabazle Joaquín
Alcoba katalana gelditu zen.
Euskadiko
Txapelketa
Txirta taldearen hurrengo helburua taldekako Euskadiko txapelketa
da Kronikari esan diotenez eta laster dute jokatzekoa. Mikel Arza,
Luis Mari Arizaga eta Ion Azpiazuk hartuko dute parte seguruenera.
Irabazleek aukera izango dute autonomia arteko Espainiako txapelketara
pasatzeko eta irabazi eta txapelketara pasatzea lortu nahi du talde
hernaniarrak.
Jasota
Bezala:
Inguruak birziklatu
Depresioa pasata ahate eta uroiloak behartutako exiliotik badatoz
bueltan; beren babeslekutik boteak, jolaserako eta gaztetxe moduan
erabiltzen den, Karabelgo zubiko isletetatik. Hauek ere alaitzen zuten
auzoa eta oinezkoak, baina indarrean desalojatuak izan ziren, eskabadora
eta kaskodun gizonen eskutik.
Hernanin laku bat daukagu, asko berreskuratu den errio bat pasatzen
da, eta etengabe okerrera dijoan errio ertza. Akan erreka Karabelen
bukatzen da, eta erabat utzia dago; 1988an bukatu zen kolektorea,
baina regatatik zijoazkion urak jasotzen ez zen hasi 6 urte geroagora
arte gutxienez. Gaur egun fugak ditu regatara edo badaude ixuriak
kolektorera itsatsi gabeak eta zuzenean regatara dijoazenak, gehien
bat asteburuetan, kolore zuri eta usain txarreko ixuriak. Kontua da
eskailuak desagertzen eta arratoiak agertzen ari direla; kontua da,
urtetan zehar bi Udaletxeak jakinaren gainean jarri direla, 112 telefonoa
113 bat aldiz, Diputazioa, Eusko Jaurlaritzako Ingurugiro Kontseilaritza,
Ondarretan dagoena, pertsonalki bi aldiz; inork ez du kasurik egiten.
Uste dut Urnietako Udala dela konponbidea jarri behar diona; bera
da regata lurperatu duena Iparlatetik trenbide azpitik pasa bitartean;
baina, nork gogorazi behar dio Urnietako Udalari zein den bere erantzukizuna?
Bide motorizatuari buruz azpimarratu nahi nuke arriskutsua den puntu
bat, Urbieta (Plaza Berritik ateratzen den oinezkoentzako zatia) eta
Izpizua (barne karretera bat dena stop batekin) kaleek egiten duten
izkina. Izkina honek gogorarazten dit Erdi kalek Portale kalearekin
nere herrian egiten zuen izkina, nere lagun Xantirekin korrika nenbilela,
eskina pasa eta kotxe batek hil zuen. Badira 50 bat urte hori gertatu
zela baina konponbide bera du: baila edo barrera bat, nahiz eta hobe
litzatekeen lorez estalitako txoko bat hainbeste granitoren artean;
eta baita abiadura jaisteko reduktore bat ere stoparen parean, batez
ere moto zaratatsuak geldiarazteko.
Hernani, ura mugimenduan duten espazio publikorik gabe; piszina klimatizatua,
hondartza eta aire libreko piszina 15 minututara duela, laku bat eta
txukundu daitezkeen kilometroka erreka bazter..., dauden gauza asko
hobetu daitezke, beharrezkoa al da hainbeste diru eta leku gastatzea
aire libreko piszina bat jartzeko?
Julen
Lizaso
* Erredakzioan euskeratua