Plenoa
suspenditu eta kontzentrazioa deitu zuen atzo Udalak Madrilgo atentatua
salatzeko
Udaleko aktibitate ofizial guztiak suspenditu zituen Udalak eta
elkartasuna azaldu zien atentatuko familiar eta biktimei. Udalak ez
du zehaztu 2004ko Aurrekontuak erabakitzeko plenoa noiz egingo den.
Atzoko
plenoa eta aktibitate ofizial guztia bertan behera uztea erabaki zuen
Udalak Madrilgo atentatua salatzeko eta Bozeramaileen Batzordeak 5 puntuko
akordioa lotu zuen, “Madrilen egindako sarraskia dela-eta”.
Puntuetako bat atzorako kontzentrazioa deitzea izan zen Atsegindegin,
atentatua gaitzesteko. Udal ordezkariak eta 200 herritar inguru elkartu
ziren kontzentrazioan. Bozeramaileen batzordeak onartutako 5 puntuak
dira:
1) Plenoa eta Udaleko aktibitate ofizial guztiak suspenditzea eta bandera
haga erdian jartzea.
2) Hernaniar guztiei dei egitea hurbilen dituzten mobilizazioetan parte
hartzera.
3) Biktimen familiarrei solidaritatea agertzea, eta “ekintza basatia
erabat gaitzestea”. Horretaz gain Bozeramaile Batzordeak eskatzen
du “oraindik ere indarkeria motaren bat onartu eta justifikatzen
dutenei atzera begirako jarduera egin dezatela” eta “behin
betiko bat egin dezatela euskaldunen gehiengoarekin, basakeria hau gaitzetsiz”.
4) Hilketa masiboa burutu dutenen “erantzukizuna arinduko duen”
koartadarik ez dagoela adieraztea eta horrelako ekintzak kondenatzeari
uko egiten diotenentzat adieraztea “hau dela azken aukera lerroa
gurutzatu eta sufritzen dutenen alboan, terrorismo oro aringarririk
gabe baztertzen dutenen alboan jartzeko”.
5) Ebazpen hau iritsaraztea Madrilgo Alkateari eta Autonomia Erkidegoko
Lehendakariari, “momentu zail hauetan Hernaniko herriaren solidaritatea
izan dezaten”.
Hernaniko Aralar-Zutikek ere atentatua gaitzetsi eta biktima eta ingurukoei
solidaritatea agertu diete Hernaniko Kronikara bidalitako prentsa ohar
batean.
Plenoa
atzera
Udaletxean atzo zen egitekoa 2004ko aurrekontua eztabaidatzeko plenoa,
eta atzeratu egin da. Oraindik ez dute zehaztu plenoa noiz egingo den
baina datorren astean izan liteke.
Lanuztea
sindikatuek deituta
ELA, LAB, ESK, EILAS EHNE eta ELB sindikatuek batetik eta CCOO eta UGT
sindikatuek bestetik ordu laurdeneko lanuztea deitu dute gaur eguerdiko
12:00etarako. Dei egiten dute lantokien aurrean kontzentrazioak egitera
atentatua gaitzesteko.
Bi
hitzaldi datorren astean Martxoak 8ko egitaraua jarraituz
Datorren
astean izango du segida martxoaren 8aren inguruan Berdintasun Kontseiluak
eta Gazte Txokoak antolatu duten programak. Martxoaren 16an, asteartea,
Mujeres y hombres en la publicidad hitzaldia izango da. Bertan Nati
Abrilek, kazetari eta EHUko irakasleak, hainbat iragarki aztertuko ditu,
emakume eta gizonezkoek iragarkietan betetzen duten rola aztertze aldera.
Hitzaldia arratsaldeko 19:00etan izango da Biterin. Hilaren 23an Ana
Cachafeirok El origen de la sumision inconsciente hitzaldia emango du,
arratsaldeko 19:00etan Biterin.
Bestetik, asteazkenean Oihulari Klown antzerki taldeak Divinas antzezlana
eskaini zuen Biterin eta umore klabean Amabirjinak bere bizitzari buruzko
terapia egin zuen, Maria Magdalena, San Jose eta Jesus lagun zituela.
Eguzkik
salatu du Ergobi eta Hernani artean 250 arbola bota dituela Diputazioak
Urumeako autobidearen obra dela-eta bota dira arbola hauek Eguzkik
dioenez eta lehengo astean 700 arbola gehiago
bota zituzten Martutene-Barkaiztegi aldean.
Eguzki
talde ekologistak salatu du Urumeako autobidea egiteko arbolak botatzen
ari dela Diputazioa eta Ergobi eta Hernani artean 250 inguru bota dituela
aste honetan bertan. Urumea errioaren ertzeko arbolak bota ditu Diputazioak,
errioaren eskubi aldean, lehengo ferrokarrilaren zubi ondoan, ekologista
taldeak salatu duenez. Bestalde, salatu dute aurreko astean ere beste
700 arbola bota omen zituela Diputazioak, Martutene eta Barkaiztegi
artean.
10
urteko haundiena
Eguzkiren hitzetan, Donostialdean azken 10 urtetan egin den arbola botatze
haundiena da hau: “errioko urari itzal egin eta gainezka egiten
zuenean urak baretzeko” balio zuten arbolak izan dira “sarraski”
honetan boteak Eguzkik salatu duenez. “Joxe Joan Gonzalez de Txabarri
Diputatu Nagusia elektoralki autobideko lehenengo harria jartzen ari
zen arbola hauek botatzen ari ziren bitartean” dio Eguzkik “eta
tamalez gure azken denuntzia ez da iritsi izango bere belarrietara”.
Hiru
eskaera
Eguzkik hiru eskaera eginak dizkio Txabarriri:
1) Inpaktu azterketa bat egitea Urumea bailararako, autobideak, 2garren
zinturoiak, Abiadura Haundiko Trenak eta abarrek izaten ari diren eta
izango duten eragina ikusteko.
2) Publiko egin ingurugiroan egin behar diren korrekzioak, arbolei eta
Urumeari obrek ahalik eta gutxien eragiteko.
3) Ekologista taldeak galdetzen dio Txabarriri ea noiz jarriko duen
bidegorriko lehenengo harria, Hernani eta Donostia, Ergobi eta Martutenen
barrena elkartuko dituena.
7.000
arbola
Gai honen bueltan, Diputazioak esana du Urumeako autobidearen inguruan
7.000 arbola aldatuko dituela eta 691.000 euro gastatuko dituela horretan.
Hauetatik 5.000 haritzak izango lirateke eta gainontzekoak astigarrak,
gereziak, urritzak eta zumeak, Diputazioak emandako datuen arabera.
Transporte alternatiboa
Eguzkiren ustez Txabarriri kotxe eta kamioiak bakarrik ajola zaizkio
eta transporte alternatiboa “ekologikoa eta osasungarriak”
ez dio batere ajola. Dirua eta eskabadorak kutsatzen duen trafikoarentzat
badituela Txabarrik, dio ekologista taldeak. Baina, gutxi daudela, daudenean,
bidegorriak edo kutsatzen ez duen transportea bultzatzeko. Ingurumen
Diputatu Oiarbideri Eguzkik galdetzen dio noiz hartuko duen ingurugiroa
errespetatzen duen erabakiren bat eta bere eskakizunak kontuan hartzeko
eskatzen dio.
Eguzkik bat egin du larunbatean Behobian egingo den manifestazioarekin.
Garraio Hazkundeari muga da manifestazioaren leloa eta 11:00etan irtengo
da Behobiako zubitik. AHT Gelditu eta CADEk antolatu dute manifestazioa.