Euskara
Zerbitzuak osatu du aurtengo plana eta herriko hainbat sektoretan eragitea
du helburuetako bat
Egitasmo solteak baino, plana aurreko urteetan hasitako egitasmoen
jarraipena dela dio Malores Etxeberriak, Euskara Teknikariak. Gero eta
gehiago Buruntzaldeko Udalekin elkarlanean funtzionatzen da.
Udaletxeko
Euskara Zerbitzuak antolatu du 2004an martxan jarriko duen plana. Malores
Etxeberriak, Udaletxeko Euskara Zerbitzuko teknikariak, adierazitakoaren
arabera, egitasmo eta plan solteak baino egitasmo jarraituak dira martxan
jarriko direnak. Planak ere ez dira berri-berriak, aurretik datozen
egitasmoak moldatu eta osatu egiten baitira urtero. Euskara Zerbitzuko
lanak bi norabide nagusi ditu: batetik, Udaletxe barrurako planak eta
bestetik, herrian euskaraz gero eta gehiago erabiltzeko egitasmoak bideratzea.
Eragitea,
ez da egitea
Malores Etxeberriak azaldu duenez, eragitea da Euskara Zerbitzuko planek
duten lan- filosofia: “herriko agente eta eragileak sustatzea
eta normalizazio-prozesuak bideratzea da helburua, ez Euskara Zerbitzuak
berak bideratzea prozesua” dio Euskara Teknikariak. Eragite horrek
askotan diru laguntza forma hartzen du eta beste batzuetan elkarlanean
gauzatzen da. Elkarlan hauetan, euskara egitasmoak herriko beste agente
batzuekin batera jartzen dira martxan eta horren adibide da Gure artean
euskaraz egitasmoa, AEKk, Doberak, herriko ikastetxeek eta Euskara Zerbitzuak
batera prestatu dutena.
Buruntzaldeko
plana
2002an Buruntzaldeko sei Udalek (Andoain, Astigarraga, Hernani, Lasarte-Oria,
Urnieta eta Usurbil) euskarazko egitasmoak elkarlanean lantzeko hitzarmena
sinatu zuten eta horren harira aurten 33 programa landuko dituzte elkarrekin.
Euskara ikasi, hobetu eta transmititu:
-Diru laguntzak ematea euskara ikasten ari diren herritarrei.
- Haurrei euskeraz hitz egiteko materiala bidaltzen zaie jaio
berrien gurasoei.
-Gure artean euskaraz: gurasoen artean euskara erabiltzeko egitasmoa,
ez dakienari erakutsi eta ohitura sortu. Dobera, AEK eta ikastetxeekin
batera antolatuta.
-Euskarazko ereduetan dabiltzan ikasleen erabilera indartzeko
eta ahozko komunikazioa hobetzeko egitasmoa. Gipuzkoako Bertsozale
elkartearekin batera. Datorren ikasturtean jarriko da martxan.
-Lanbide Heziketan euskarazko moduluak aukeratzearen aldeko kanpaina.
Maiatzean egingo da.
Aisialdian:
-Udaleku irekiak uztailean zehar goizetan. 3-10 urteko haurrentzat.
-Kirol udalekuak: bi aste uztailean. 11-12 urteko gazteentzat.
-Eskola kirola: Eskoletan kirol taldeak euskaraz entrenatzeko
bideak jartzen dira eta astebukaeraro partiduak jokatzen dira.
Merkataritza eremuan:
-Merkatariei zerbitzua eskaintzea euskerak presentzia haundiagoa
izan dezan. Duela 10 urte martxan dela.
-Jatetxeen gida. Iaz beren menua euskaraz ere idaztea eskatzen
zitzaien jatetxeei eta horiekin gida osatu zen. Aurten jatetxe
gehiagori egingo zaie eskaintza eta gida haundituko da.
-Arrandegien gida: arrainentzako txartelak euskaraz, errezeta
liburuxka, herri-komunikabideen bidez gonbidatu herritarrak erosketak
euskaraz egitera, besteak beste.
Finantza munduan:
-Iaz herritarrek Euskadiko Kutxarekin harremanak euskaraz izateko
programa jarri zen martxan. Aurten Kutxarekin gauza bera egiteko
asmoa dago.
-Herritarrak bultzatzea Errenta aitorpena euskaraz egitera.
Enpresa munduan:
-Buruntzalde mailan diseinatzen ari dira egitasmo bat. Ziurrenik,
herri bakoitzean pare bat enpresa hartu eta esperientzia pilotuak
egingo dituzte.
Beste batzuk:
-Apellidoak abizendu: erderaz idazten diren abizenak euskeraz
idazteko aukera. Urtarrila eta otsailean zehar egin zen.
-Idatziak liburuxka: erabiltzen diren idatzi ereduak jasotzen
dituen liburuxka banatzea. Otsailean eta martxoan banatu da.
-Euskarazko produktuen katalogoa: gabonei begira euskarazko produktuak
erostera animatzeko erosleak. Azaroan banatuko da. |
Txantxangorri
elkarteak Batzar Berezia egingo du apirilean, Zuzendaritza berria osatzeko
Igandean egin zuen Txantxangorrik urteko Batzarra eta ez zen zuzendaritzarako
kandidatorik aurkeztu. Juan Delibes ohorezko bazkide izendatu zuten.
Txantxangorrik
igandean egin zuen urteko asanblea. Puntuetako bat zuzendaritza berritzea
zen, baina, ez zen kandidatorik aurkeztu eta apirilaren 4an Batzar Berezia
egingo du gai horrekin. Ordura bitartean, oraingo zuzendaritza taldeak
jarraituko du lanean Gestora gisa. Manu Loinaz orain arteko lehendakariak
adierazi du Batzarra ondo joan zela eta iragarri bezala Juan Delibes
de Castro Ohorezko Bazkide izendatu zuten.
Txantxagorrik 503 bazkide ditu eta batez ere ehiza, tiro eta arrantza
kontuak gestionatzen ditu. Horretaz gain, Sagardo Txapelketa, eta herriko
beste zenbait ekitaldietan hartzen du parte, Axeri Dantza esaterako.