Untitled Document

Udaberriko antzerki zikloa datorren astean Biterin
‘Globacilación’, ‘Euskera sencilloaren manifestoa’, ‘Victor Bechv’ eta ‘Ixa’ asteartetik ostiralera
Bi obra euskeraz eta bi gazteleraz izango dira. Biteri kultur etxean, iluntzeko 20:00etan.

Udaberriko Antzerki zikloa hemen da eta aurten eszenatokietan dabiltzan lau antzerki ikusteko aukera izango du antzerkizaleak: bi euskeraz (Euskera sencilloaren manifestoa eta IXA) eta bi gazteleraz (Globacilación eta Victor Bechv).
Lau obrek gaur egungo munduari buruzko hainbat gai ikutuko dituzte, eta gehienak humorez eta ironiaz: globalizazioa eta bere ondorenak, inmigrazioa eta prejuizioak, euskera ikasten ari direnen gorabeherak bi baldintzomano eta subjuntibopatak kontatuta, eta antzerkia obra bat ikustera joan eta antzerkiko protagonista bihurtzen denaren istoria. Obra hau Hika talde hernaniarrak antzeztuko du eta Mikel Laskurain izango da protagonista.

Martxoak 23, asteartea 20:00
Globacilacion
(Hortzmuga Teatroa eta Hirugarren Mundua eta Pakea)
Inguratzen gaituen errealitatean sakontzea da obra honen asmoa, bere alde on eta txarrak agertuz. Globalizazioa berez ez dela ez ona edo ez txarra azalduko dute antzerkian, globalizazioaren arazoa egiten den erabilera dela adieraziko dute, humore eta parodia klabean.

Martxoak 24, asteazkena 20:00
Euskara Sencilloaren Manifestoa
(Galipot Teatroa)
Antzerkiaren protagonista munduko euskaldunberri zaharrenak dira. Orain dela berrogei urte hasi ziren euskara ikasten eta dagoeneko ez dakite besterik egiten, engantxatuta daude. Euskaltegi-adiktoak, baldintzomanoak eta subjuntibopatak bihurtu dira.

Martxoak 25, osteguna 20:00
Victor Bechv
(Vaiven Producciones)
Aurriritziei buruzko obra da hau, bi kultura ezberdinetako pertsonaiek topo egiten dute, Banibenik eta Mari, eta amodiozko istorio bat hasiko da. Bestetik, Mariren semeak bere aitaren oroimena darama gainean, baita maite duen Nerearen oroimena ere. Ametsgaiztoa bihurtuko zaio dena.

Martxoak 26, ostirala 20:00
IXA
(Hika Teatroa)
Ixa da antzerkiko protagonista. Agindu diotelako joan da antzerkira eta han konturatuko da berriro ere antzerkiko jendeak ez diola agindutako lana ordainduko. Bere lana zein den ordea gorde egingo du bukaeraraino. Ixak erabaki gogor bat hartuko du bere eskubideak defendatzeko.

Atletismoa - Munduko txapelketa beteranoetan
Migel Angel Garin seigarren munduko txapelketan

Migel Angel Garin hernaniarrak seigarren egin du beteranoentzako Munduko txapelketan, Pentatlonen. Pista estaliko Mundiala izan da Master atletentzako eta Alemanian jokatu ziren aurreko asteburuan.
Marka bikaina da eta Garin pozik dago egindako lana eta emaitzarekin. Hala ere, atleta hernaniarrak zaintiratua eta bertigoa izan zituen proba aurreko egunetan eta horrek ez zion utzi behar bezala entrenatzen. Oker hori izan ez balu, brontzezko medaila lortzeko borrokan sartuko zen, hirugarrengotik seigarrenera oso alde txikia izan zelako.
Punttu-punttuan egoteko aukerarik izan ezta ere, Migel Angel Garinek Espainiako errekorra ondu egin zuen Alemaniako proba horietan. Beraz, Espainiako txapela eta errekorrarekin bukatuko du pista estaliko denboraldia.

Sei brontzezko domina lortu dituzte hernaniarrek Gipuzkoako txapelketetan

Gipuzkoako judo txapelketak jokatu berri dira eta hernanitik judoka askok hartu du parte. Nagusietan Oskar Carpintero, Oskar Sanchez eta Unai Alberdi 3garren gelditu dira, 66, 81 eta 100 kilotik gorako kategoriatan. Junior mailan Xanti Blanco eta Oskar Carpinterok 3garren egin dute 73 eta 66 kilotan. Kadeteetan, Igor Ruiz eta Cristian Fernandez 5garren gelditu dira eta infantiletan taldeka 3garren egin dute Adrian Aranburu, Julen Corques, Ekhi Jauregi eta Mikel Gallegok. Bestalde, eskola kirolean Gipuzkoako txapelketarako sailkatu dira Aitor Soroeta, Aitor Aranburu, Ander Landaberea, Maider Albizu eta David Buldain. Hernanin indar haundia du judoak eta kategoria guztien artean 100 lagun inguru ibiliko dira, arduradunek Kronikari esan diotenez.