Odei
Holgado, Gorka Sarasola, Jabier Seco eta Joxe Elosegi -Errugbi Elkartea
“Taldea
geroz eta hobeto dago eta momentu onean eta gogo haundiz harrapatu gaitu
igoera faseak”
Datorren igandean hasiko du igoera fasea Hernanik Galizian eta bueltako
partidua apirilaren 4an da . Teorian Galiziarrek baino talde hobea du
Hernanik, nahiz eta jokatzeko modua antzekoa izan bi taldeek.
Hernanik
Estatuko 2garren mailarako igoera fasea jokatuko du martxoaren 28an
eta apirilaren 4an, Crat Xestur Coruña galiziar taldearen kontra.
Zer esperantza dituzten jakiteko Hernaniko taldera jo dugu eta Jabier
Seco, Gorka Sarasola, Odei Holgado jokalariek eta Joxe Elosegi entrenatzaileak
eman digute beren ikuspuntua, errugbi elkarteko gimnasioan, Landaren.
Hernaniarrek esperantza haundia dute kanporaketa irabazi eta Estatuko
2garren mailara igotzeko, baina, galiziar taldeari buruz ez dakite gehiegi
eta ez dira erabat fio. Orain arteko erreferentziak, Jon Insausti hernaniarrak
eman dizkie, gaur egun Valladoliden jokatzen baitu. Bere hitzetan Hernani
gehiago da, nahiz eta bi taldeek jokatzeko modu berdintsua izan. Hernanik
2 partidu galdu ditu denboraldi osoan, Durangoren kontrakoak; Crat Xestur
Coruñak, berriz, 5 partidu galdu ditu.
Talde
giroa
Hernaniko taldearen puntu fuerteak zein diren galdetuta, aurrekaldea
izan liteke bat, baina, jokalari guztiek aipa-tzen dutena talde giroa
da, eta jokoan ere asko nabaritzen da giro hori. Talde bat izateaz gain,
lagun koadrila bat dira eta horrek izugarri motibatzen ditu, beren hitzetan,
eta elkar animatu edo zirikatzeko ere konfiantza haundiagoa dago. Sei
urtean 2 maila igo ditu Hernanik eta jubenil eta kadeteek ia dena irabazi
dute.
Ikuspuntu
aldaketa
Iparraldetik Ben Ben entrenatzailea etortzen da egunero eta berak ikuspuntu
aldaketa eta errugbia ulertzeko beste modu bat ekarri du Hernanira,
jokalariek diotenez. Igoera faseari begira jokalarien arteko komunikazioa
eta kontzentrazioa ari dira lantzen, partiduetan etekin hobea ateratzeko.
Astean 3 entrenamentu eta partidua dituzte eta gimnasioa egunero zabalik,
indartu nahi duenarentzat. 3 entrenatzaile, preparadore fisikoa eta
pronto dauden 30 bat jokalari ilusioz beteta daude eta baita afizioa
eta Errugbi Elkarte osoa ere.
Izan ere, ez da nolanahiko azaña 2garren mailarako saltoa, eta
ondorioak ere ez dira txikiak: Sevilla, Bartzelona, Valentziara bidaiak,
entrenamentu gehiago, dirua... baina, hori aurreragoko kontuak dira
eta lehenengo galiziarrei irabazi beharra dago.
25
bat kofradia bildu ziren Tolarearen IX. Kapituloan
Atzo ospatu zuen Tolareak, Gipuzkoako Sagardo
Naturalaren Kofradiak, IXgarren kapituloa. Biterin egin zuten ekitaldian
Sagardoaren Ohorezko Kofradeak izendatu zituzten.
Tolareak,
Gipuzkoako Sagardo Naturalaren Kofradiak, atzo ospatu zuen IXgarren
Kapituloa. Nahiz eta eguraldi euritsua izan jende asko bildu zen Hernanin,
25 bat kofradiatako kideak bildu baitziren. Txakolina, piperrak, odolkia,
ardoa, antxoa, izokia, eta beste hainbat produkturen inguruko kofradiak
izan ziren Hernanin bildu zirenak eta bakoitzak bere lurraldeko produktuak
ezagutarazi zituen.
Horietaz gain, urteroko ohitura den bezala, Tolareak Sagardoaren Ohorezko
Kofradeak izendatu zituen Biterin eguerdi partean egin zuten ekitaldi
nagusian. Aurtengo gonbidatuak izan ziren: Fermin Muguruza, musikaria;
Josune Bereziartu, eskalatzailea; Maria Jesus Fonbellida, errestauratzailea;
Jose Angel Gaztañaga, sagardogileen lehendakaria eta Jose Luis
Arrieta, Ferando Ugarte eta Enrike Erentxun, Diario Vasco kirola antolakuntzako
ordezkariak. Ohorezko Kofradeek sagardoa defendatzeko eta bultzatzeko
konpremezua hartu zuten ekitaldian. Biteriko ekitaldian, Kantuz Abesbatzak,
Txistulari Bandak eta dantzariek emanaldiak eskaini zituzten eta segidan
Larre-Gain sagardotegian egin zuten bazkaria, sagardoa probatze aldera.
Jasota Bezala (Gutunak):
Kale
Nagusian bizi nahi eta ezin
Egunero bezala dutxa bat hartu eta kalera atera naiz, beharbada, bestetan
baino goizago subajurako egurra ekarri behar bainuen, piboteak altxatzeko
baimena hamabost egun lehenago eskatu behar dudanez eta hori kalkultzea
zail samarra denez, kotxea egurrez kargatuta utzi behar izan dut. Kale
Nagusian garajeak dituztenak zer egiten dute piboteekin (ez dute bada
giltza izango?), lehen mailako eta bigarren mailako herritarrak ote
gaude kale Nagusian?
Hori gutxi izan balitz, nire ezustekoa (eguneroko bihurtu dena) itzela
izan da, ezin nuen etxetik atera, bai egia diot. Egunero arazo hau daukat,
fatxadan kontra pegatina moduan jartzen ez banaiz ez dut lortzen etxetik
ateratzen, beraz, urradura azalean edo arropak zikinak. Furgonetarekin
banatze lanean dabilenari errazagoa egiten zaio atariak ixtea, horrela,
lekua uzten baitio beste kotxe eta furgonetei, beraz, berak ez du furgoneta
mugitu behar. Ah, hori bai! ez dakit oso ondo herritarrak nondik atera
behar duen etxetik. Furgoneta gidariekin hamaika aldiz hitz egin dut
honi buruz, alferrik!, egin didaten jaramona zeroaren hurrengoa izan
da, beraiek lanean ari dira eta zu dantzan.
Zaratarekin ez dut hitz egiten hasi nahi, luzaroko joango bailitzake
baina horren inguruan ere zeresan ugari izango genuke erdialdean bizi
garenok.
Pintadak eta txartelak ere toki berezi bat dute erdialdean....
Hau guztia dela eta, adierazi nahi nuen askotan erdialdeak izaten direla
herriko zatirik kuttunenak, herritar gehiengo batek eta kanpoko askok,
behintzat, hala uste dute. Argi ez dago, ordea, ea zaintzeko garaian
mimo berarekin zaintzen ditugun auzo guztiak eta herritar guztiak, ene
iritzi apalean kale nagusian bizitzeak badu xarma handi bat baina baita
alde ilunak ere eta komeniko litzateke Udalaren aldetik alde ilun horiek
ahalik eta samurren jartzea, bestela, gerta daiteke hainbat herritan
gertatzen dena gertatzea, hau da, alde zaharrak hustutzea eta zahartzea
axolagabekerian.
Baina inork nahi ez duenez hori has gaitezen konponbideak jartzen.
Jone
Egaña