Doberak
3.000 euroko Saria emango du Hernaniri buruzko proiektu eta iniziatibak
laguntzeko
Dobera Sarirako proposamenak apirilaren 30a baino lehen aurkeztu
behar dira, Euskara Elkartera (Larramendi 11, behea) n Irabazleak 6
hilabeteko epea izango du lana egiteko
Bigarren
Dobera saria antolatu du Euskara Elkarteak, eta 3.000 euroko diru laguntza
emango du Hernanirekin zerikusia duen lanak bultzatzeko. Oraingoan,
proiektuak ez du derrigor ikerlana izan beharrik, aurreko edizioan hala
izan bazen ere: ikerlan bat bezala, izan liteke erakusketa bat edo bestelako
edozein lan. Sei hilabeteko epea dago lana egiteko eta euskeraz izango
dira.
Dobera Sarira pertsona bakarrak edo taldeak aurkeztu litzake proiektuak.
Taldeka aurkeztu ezkero taldekide batek azaldu beharko du arduradun
gisa.
Dobera
Saria
Lehenengo edizioan
ikerlanak saritu ziren, baina, orain Hernanirekin zerikusia duen
edozein lanek jaso lezake 3.000 euroko diru laguntza.
Sariak bi alde ditu: bata, lana egiteko diru laguntza ematea;
bestea, lana
ezagutaraztea. |
Interesa
eta gaitasuna
Dobera Saria zein lani eman epaimahai batek erabakiko du eta 2 irizpide
nagusi erabiliko ditu horretarako: proiektuaren interesa eta bideragarritasuna,
eta eskatzailearen gaitasuna. Epaimahaia osatuko dute Doberako kideek
eta aurkeztutako gaietan aditua den jendeak. Epaimahaiak hala eskatu
ezkero, proiektua egin dutenek beren proposamena epaimahaiaren aurrean
aurkeztu beharko dute.
Lanak apirilaren 30a baino lehen aurkeztu behar dira Dobera Euskara
Elkartean, Larremandi 11ean.
‘Aldaba
Joka’ren arrakasta
Doberak 2002an atera zuen Lehenengo Dobera Saria eta Urko Apaolazaren
ikerlana izan zen saritua: Hernaniko historia, errepublika garaitik
trantsiziora (1931-1981). Apaolazak egindako lana argitaratu egin zuen
Doberak 2003an eta Aldaba Joka liburua izan da emaitza. Lanak arrakasta
haundia izan du eta dagoeneko 300 ale saldu dira Hernanin. 27 elkarrizketa
egin zituen Apaolazak ikerlanerako eta orain elkarrizketa horiek digitalizatzeko
asmoa du Euskera Elkarteak, beste ikertzaileren batek erabili nahi izan
ezkero eskura izateko.
2004rako Aurrekontuak Plenora
Hazienda Batzordeak 21.475.000 euroko Aurrekontua
onartu zuen, aurreneko proposamena baino 220.000 euro gehiagokoa n Plenoa,
17:00etan da.
Udalak
Pleno Berezia egingo du gaur, martxoaren 11ean egitekoa zena, eta 2004ko
Aurrekontua izango da gai ordeneko puntuetako bat. Sorpresarik ezean,
Aurrekontu proiektua aurrera aterako da gaur EA-EAJ eta EBren botoekin.
Ikusteko dago oposizioak zer botatuko duen baina, beren proposamen eta
zuzenketa gehienak bilduta daude Plenora joango den proiektuan. Bildu
Hernanik Aurrekontuak atzera bota eta eztabaida prozesua hasteko eskatu
zuen, 3.600 herritar bazterrean utzita osatu zirela argudiatuta.
Hazienda Batzordeak 21.470.000 euroko Aurrekontu proiektua onartua du,
hasierako proposamena baino 220.000 euro gehiagokoa. Proposamenak Gobernuko
hiru kidek alde botatu zuten eta PSE-EE eta PP abstenitu egin ziren.
Atsegindegin lurpeko aparkalekuak eta leku estalia, hilerria haunditzea,
Protekzioko etxeak egiteko lurra erostea, Latsunben igerileku irekiak
egiteko proiektua, Tilosetako plaza eta Gudarien plaza berritzeko proiektua
eta auzo elkarteekin hitzartutako proiektuak dira 2004ko Aurrekontuaren
puntuetako batzuk
Inbertsio
haundiak
Joxan Rekondo Alkateak azpimarratu du EA-EAJ eta EBk osatutako Gobernuak
egin dituen lehenbiziko Aurrekontu hauek inbertsio haundikoak direla.
2003ko Aurrekontuekin konparatuta, % 50 igotzen dira inbertsiotarako
partidak. Era berean, Alkateak nabarmendu duenez, “sarrerak ondo
gestionatu eta gastu korrienteari eusteak gauza asko egiteko aukera
emango digu zorretan sartu beharrik gabe”.
Rekondok adierazi du alderdi politikoekin negoziazio prozesu baten ondoren
Hazienda Batzordeak zenbait proposamen onartu dituela. Besteak beste,
ikasleak Hernanin matrikulatzeko kanpaina, kooperaziorako partidak haunditzea,
ebakuazio planak Haurtzaindegian, Musika Eskolan eta Udal Euskaltegian.
Ezker Batuak eskatutako aldaketak izan ziren horiek, baina, bai EB eta
bai PSE-EEk babes ofizialeko etxeak egiteko lurra erostea eskatu zuten
eta hor egon da aldaketarik haundiena.
PSE-EE eta PPren eskariz, Aurrekontu proposamenak jaso du Euskal Elkarte
Autonomoko Udalen Elkarteari laguntza ematea ere.
Alkatetza berak ere zenbait aldaketa proposatu zizkion hasierako proposamenari.
Nagusiena da partida bat Ereñotzun protekzioko 12 etxe egiteko
herri lurra saltzeko.
Plenoko
beste gaiak
Gaurkoa Pleno mardula izango da, Aurrekontuez gain beste 10 puntu badituelako
gai ordenak. Besteak beste, Ereñotzun protekzioko etxeak egiteko
terrenoa Iñatzu Kooperatibari ematea, Ordenantza Fiskalak aldatzea,
Kutxan kontseilari eta korporazioko ordezkariak izendatzea, Baltz Ederra
enpresaren errekurtso bat Puigeko etxeei buruz eta zenbait kreditu aldaketa.
Bildu
Hernaniren mozioa
Bildu Hernanik adierazi du Kontxi Sanchizen heriotza salatzeko mozioa
aztertzeko eskatuko duela gaur Plenoan. Plataformak dio Udalari Pleno
Berezia egiteko eskatu ziola martxoaren 15ean, baina, Gobernuak ezezkoa
erantzun zuela. Bildu Hernanik uste du “Gure herrian martxoaren
14an gertatu zena oso larria izan zela eta Udalaren aldetik bidea ireki
behar dela herritarren testigantzak jasotzeko eta eztabaida publiko
bat egiteko.” Bildu Hernanik dei egin die herritarrei Plenora
joateko, “modu lasaian agertzeko Kontxi Sanchizen heriotzak sortu
digun mina eta dolua”. BH salatu du Plenoa 17:00etan jarri izana
eta uste du herritarrek nekezago parte hartzeagatik dela.
Joxetxo Zapiain bigarren, Euskadiko Rallysprint
Txapelketan
Joxetxo
Zapiain eta Jose Luis Sarasola bigarren dijoaz Euskadiko Rallysprint
txapelketan. Zapiainek esan zuen aurten aurreko muturrean ibiltzea zuela
helburu bere Maxi Megane berriarekin, eta oraingoz halaxe dabil. Asteburuan,
Karrantzan izan zen proba eta Zapiain-Sarasola bigarren sartu ziren,
Luciano Arrabal errioxarraren atzetik. Hirugarren Joxe Labaka sailkatu
zen.