Emakumearen
inguruko hainbat aktibitate Martxoak 8aren bueltan, gaur hasita
Martxoaren 23ra bitartean hitzaldi, pelikula, musika ekitaldi eta
abar antolatu ditu Berdintasun Kontseiluak eta Gazte Txokoak n Kontseiluak
gogoratu nahi du emakumeari dagokion lekua egunero aldarrikatu behar
dela.
MartxoaREN
8 dela-eta, emakume langilearen nazioarteko egunaren inguruan, Berdintasun
Kontseiluak eta Gazte Txokoak hainbat ekitaldi antolatu dituzte. Martxoaren
8an Berdintasun Kontseiluak gogoratu nahi izan du emakumeari dagokion
lekua egunero aldarrikatu behar dela. Irantzu Jauregik, Udaletxeko Berdintasun
Saileko teknikariak, adierazi du pentsatzen dela emakumeak gauza asko
lortu dituela, baina, gogoratu du oraindik ere urrats asko falta direla
emateko, aldaketa hauek ez baitira egun batetik bestera gertatzen.
Egitarau
zabala
Martxoaren 8aren inguruan egitarau zabala antolatu du Berdintasun Kontseiluak
eta Gazte Txokoak eta gaur hasi eta hilaren bukaerara arte iraungo du.
Gaur arratsaldeko 17:30etan Gazte Txokoan, Emakumea eta neska gazteak
gaur egun tailerra egingo dute eta tailerraren gidari lanetan arituko
dira Ane Iturbe eta Garoa Gartziandia.
Bihar, Gazte Txokoan baita ere, arratsaldeko 17:30etan emakumeari buruzko
murala pintatuko dute. Gauean, Emakume Langilearen Nazioarteko Eguna
ospatzeko festa izango da Gunea garagardotegian. Arratsaldeko 20:30etan
Bartzelonatik datorren Nunilak ipuinak kontatuko ditu. 21:00etan afaria
izango da eta ondoren disko jartzaileak. Izena eman nahi duenak Udaletxeko
Berdintasun Sailera deitu behar du, 943-337017 telefono zenbakira edota
irantzu-j@hernani.net helbidera email bat idatzi.
Martxoaren 7an, Thirteen pelikula botako dute Gazte Txokoan arratsaldeko
18:00etan. Martxoaren 10ean, Oihulari Klown antzerki taldeak Divinas
obra antzeztuko du eta bertan umore klabean aztertuko dituzte Jesukristo,
Amabirjina eta Maria Magdalena pertsonaje historikoak.
Bi
hitzaldi
Martxoaren 16an, Nati Abrilek Mujeres y hombres en la publicidad hitzaldia
emango du Biterin arratsaldeko 19:00etan. Nati Abril EHUko irakaslea
eta kazetaria da eta lan haundia egin du generoak, komunikazio, publizitate,
eta kazetaritza alorretan nola funtzionatzen duen aztertzen. Hitzaldian
iragarki ezberdinetan emakume eta gizonezkoek duten rola aztertuko du.
Martxoaren 23an, Ana Cachafeirok El origen de la sumision inconsciente
hitzaldia emango du, arratsaldeko 19:00etan Biterin. Ana Cachafeirok
azalduko du egungo gizarte patrialkala ez dela beti horrela izan eta
garai batean gizartean berdintasun haundiago zegola. Azalduko du garai
bateko gizarte horretatik gaur egungo gizarte patriarkalerako aldaketak
ekarri duela gaur egun gizakiak biolentoagoak eta sumisoagoak izatea.
Berdintasun
Kontseilua
Berdintasun Kontseilua Udaletxeko Berdintasun Sailetik sortutako taldea
da. Bertan biltzen dira herrian berdintasunaren inguruan sensibilitatea
eta interesa duten herritarrak eta berdintasun teknikaria. Martxoak
8ko egitaraua Berdintasun Kontseiluak eta Gazte Txokoak proposatu dute
eta Udalaren babesa jaso du
Egitaraua
Martxoak 5: “Emakumeak eta neska gazteak
gaur egun” tailerra. 17:30etan, Gazte Txokoan.
Martxoak 6: Mural pintaketa emakumeari buruz. 17:30etan, Gazte Txokoan.
Martxoak 6: Martxoak 8a ospatzeko festa Gunea garagardotegian. 20:30etan
Nunilaren ipuin kontaketa. 21:00etan afaria eta 23:00etan disko
jartzaileak. Izena emateko: 943-337017.
Martxoak 7: ‘Thirteen’ pelikula. 18:00etan, Gazte Txokoan.
Martxoak 10: ‘Divinas’ antzerkia, Oihulari Klown antzerki
taldearen eskutik. 20:00etan, Biterin.
Martxoak 16: Nati Abrilen hitzaldia, ‘Mujeres y hombres en
la publicidad’. 19:00etan, Biterin.
Martxoak 23: Ana Cachafeiroren hitzaldia, ‘El origen de la
sumision inconsciente’. 19:00etan, Biterin. |
Hernani eta Martutene arteko barianteak bi karril izango ditu sentiduko,
eta 2006an bukatuko dute
Diputazioko arduradunek atzo jarri zuten obrako aurreneko harria n
Donostiatik Andoainera bitarteko bariante osoa 2010erako egotea espero
dute.
Urumeako
bariantearen bigarren zatia martxan da eta atzo eguerdian jarri zuten
Diputazioko arduradunek proiektuaren lehenengo harria. Bariante berria
Martindegiko rotondatik Martutenera joango da eta bi karril izango ditu
sentidu bakoitzean, Hernanitik Astigarragako tartean hiru izango baditu
ere. Bariante berriak lau kilometro izango ditu eta 2006ko udaran bukatzea
espero dute. Obrak 60 miloi euroko aurrekontua du. Ekitaldian Diputatu
Nagusia Jose Juan Gonzalez de Txabarri, Batzar Nagusietako lehendakaria
Leire Ereño eta Hernaniko Alkatea Joxan Rekondo, besteak beste.
Bariante zati berria Martindegin hasi eta Floridako mugan trenbide gainetik
pasako da mendebaldera, eta gero trenbide parean joango da Martuteneraino.
Donostiako Bigarren sahiesbidea ere inguru horretatik pasako da Galarreta,
Arizmendi eta Etxeberri gainetik barrena eta Urumeako barianterako lotura
izango du Astigarraga parean.
Martutenetik aurrera, Diputazioak hiru sarrera egingo ditu Donostiara,
eta oraindik lan horiek hasi ez badira ere 2006an eginda egotea espero
du Txabarri Diputatu nagusiak.
Urumeako bariante osoa Donostiatik Andoainerakoa da, eta N-1 eta A-15
Iruñeako bariantearekin lotuta joango da. Guztira, 18 km izango
dira, 218 miloi euro eta 2010erako eginda egotea espero da.
Proiektu estrategikoa
Joxe Juan Gonzalez de Txabarrik adierazi zuen Urumeako bariantea proiektu
estrategiko bat zela Gipuzkoarentzat eta Donostialdeko herri eta auzoen
arteko komunikazioa.
Pelota
Gaur Esnal-Prado Aio-Fuertesen kontra
Bi pelota partidu jokatuko dira gaur gauean Hernanin. Iñaki
Esnal eta Pradok Aio eta Fuertesen kontra jokatuko dute aurreneko partidua.
Bigarrengoa berriz, Buruntza txapelketako hirugarren kanporaketako partidua
izango da: Murumendiaraz-Gabarri II/ Mikel-Almandoz. Pelota jaialdia
gaueko 22:30etan.