Gobernuak 24.706.559 euroko Aurrekontua aurkeztu du eta enmiendak egiteko epea zabalik dago
2004rako aurrekontu proiektua % 24 igo da 2003kotik. Joxan Rekondo Alkateak esan du Gobernua irekita dagoela gainerako alderdi eta herritarren eskaerak jasotzeko . Enmiendak egiteko epea martxoaren 1 arte da.

TranspUdal Gobernuak aurkeztu du 2004rako Aurrekontu proiektua eta martxoaren 1 arte egongo da zabalik emendakinak egiteko epea. Udalak eta bi Patronatuek lehengo 4.100 miloi pezetako aurrekontua osatu dute eta horietatik 920 miloi inguru inbertsiotarako izango da. Inbertsio partida fuerte hori da hain zuzen ere proiektuaren ezaugarri nagusietako bat. Era berean, azpimarratzekoa da aurtengo aurrekontua iaztik % 24 igotzea proposatzen dela.
Aurrekontu proiektuaren helburuei dagokionez, Joxan Rekondok adierazi du gastu arrunta kontrolatu eta arrazionalizatu, eta baliabideak inbertsiotarako erabili direla “azpiegiturak hobetu eta sortzeko nahiz herritarren ongizatea hobetzeko”. Hori “eskaintzen diren zerbitzuen maila jeitsi gabe eta herritarren ekarpen ekonomiko haundiagoa eskatu gabe” egitea proposatzen du EA-EAJ eta EBk egindako Aurrekontu proiektuak.
Aurrekontu proposamena asteartea ezkeroztik oposizioko alderdien eskuetan dago egoki iruditzen zaizkien emendakinak egiteko. Alkateak azpimarratu du Gobernua erabat irekita dagoela herritarrek egin nahi dituzten aldaketa, proposamen eta iradokizunetara. .

Auzoetako eskakizunak egin edo aztertzeko konpromisoa
Auzoek beren behar eta eskakizunen berri eman zioten Udalari aurrekontua osatzeko prozesuaren barruan. Orain gobernuak eta auzoek adostu dutena da obra eta proiektuetako batzuk aurtengo aurrekontuan sartzea, eta beste batzuk 2005ean. Beste zenbait eskakizun berriz, aztertu egingo dira zein konponbide eman ikusteko
2004ko Aurrekontu proposamenak 14 obra eta proiektu jaso ditu: aparkalekuak, urbanizazio lanak eta zenbait bidetan oinez ibiltzeko babes neurriak, besteak beste (ondoko koadroan daude guztiak). Obra eta proiektu gehienak inbertsiotarako partidatik finantziatuko dira, eta beste batzuk beste kapituloetatik.
Bestalde, Gobernuak konpromisoa hartuko luke 2005 aurrekontuan sartzeko beste zenbait obra: Sorgintxuloko aparkalekua, Olaeta plaza, Karabel eta Portu artean oinezko bidea jartzea eta Tilosetako urbanizazioa.
Horretaz gainera, gobernuak beste zazpi eskakizun aztertuko ditu. Besteak beste: Akarregiko etxe ingurua errehabilitatzeko plana, Ereñotzu-Epele administrazio berezi bat ematea, Ibaiondotik Karabelera bitarteko oinezko bidea, Etxeberriko urbanizazioa Udalari uztea eta abar. Beste erakundeen ardura diren proiektuetan ere zenbait gestio lan egiteko konpromisoa hartu du Udal Gobernuak.

2004 aurrekontuan sartzen diren Auzoetako obra eta proiektuak

Sorgintxulon futbol kanpoaren ondoko terrenoetan parkina egiteko proiektua. Antziola-Etxeberri arteko oinezko bidean argia jarri. Kaxkoan Tilosetako plaza eta Gudarien plaza urbanizatzeko proiektuak egin. Karabelen aparkalekua egin gaur egunean Renfekoak diren terrenoetan eta Olaeta plaza urbanizatzeko proiektua egin. Karabel eta Portu arteko bidean oinezkoentzako babesa jartzeko proiektua egin. Santa Barbaran (Kantera barreneko zelaian) aparkalekua jarri. Arrigoiainpeatik-Mariluz Txiki bideari eusteko obra egin. Laubidietako semafororen lehentasun sistema aldatu. Ertzainetatik Latxunberako bidea karril bakarrekoa jarri. Elizatxon kotxeentzako ispilua jarri auzo ateeran. Portutik tren apeaderora dijoan bidea asfaltatu. Zikuñagan semaforoa jarri.

---

Hernaniko Errugbi talde nagusiak Aieten jokatuko du gaur arratsaldean, etxeko partidua. Benbenen mutilek Getxo taldea izango dute aurrean, eta irabazten segi beharko dute igotzeko aukerari eusteko. Partidua, 16:00etan hasiko da.
Bestalde, Errugbi Elkarteak gogoratu du Hernaniko 11 jokalari ari direla Euskadi eta Espainiako selekzioetan jokatzen, kategoria ezberdinetan: Ibai Mitxelena, Arkaitz Otaño, Gorka Sarasola, Iraitz Garmendia, Mikel Orbegozo, David Pelaz, Garikoitz Sarriegi, Jon Apaolaza, Ivan Madjzik, Aitor Erize eta Igor Etxeberria.

Iñude eta Artzaiak bihar
Urumea Ikastolak bihar egingo du Iñude eta Artzaien festa. 11-16 urte bitarteko 150 ikasle inguruk hartuko dute parte konpartsan, eguerdiko 12:00etatik aurrera. Konpartsan Iñude eta Artzaien dantza erakusteaz gainera, garai hartako agintari eta pertsonaiak ikusteko aukera ere izango da, eta hori dena musikak lagunduta. Konpartsa Urumea ikastolatik aterako da eta honako ibili hau egingo du: Gudarien plaza, Kardaberaz, Plaza Berria, Urbieta kalea, Elkano, Nafar kalea eta Plaza, eta ikastolan bukatu.

“1.650 euro ordaindu ordulaurdenagatik”
Bildu hernanik osteguneko Plenoaren balorazioa egin du. Plataformak “hilabetearen bigarren osteguna, paga eguna batzuentzat” dela salatu du, ordulaurdena iraun zuen Plenoagatik hernaniarrek 1.650 euro ordaindu behar izan dituztela zinegotzien dietetarako. “Gaur egun dauden zinegotzietatik 11 prest daude 150 euro jasotzeko Udal Batzarrean eseritzeagatik” dio Bildu Hernaniren prentsa oharrak, eta adierazi du gauza bera gertatzen dela batzordeekin ere.

Etxe hutsak markatzeko deialdia gaur
Ate Jokak taldeak deialdia egin du gaur Hernaniko etxe hutsak markatzeko. Helburua da herriko etxe hutsak identifikatzea eta etxebizitzaren inguruko politika eta jarrerak salatzea. Gaur arratsaldeko 20:00etan plazan.

Futbola
Gorengoak Tolosaren kontra jokatuko du gaur
Gorengo taldeak Tolosaren kontra jokatuko gaur Berazubin arratsaldeko 16:00etan. Tolosa seigarrena dijoa klasifikazioan eta hernaniarrek gogor aritu beharko dute.

Saskibaloia
Hernanik Azpeitian jokatzen du gaur
Hernaniko saskibaloi taldeak Azpeitiko Neumaticos Anttonen kontra jokatu du gaur Azpeitian goizeko 11:00etan. Bestalde, bihar goizean saskibaloian aritzeko jardunaldia izango da kiroldegian goizeko 9:30etatik 11:00etara. Interesa duen edonor dago gonbidatuta.

Xakea
Hernani Ak zita gaur eta Bk atsedena
Xake taldeko Hernani A taldeak partidua du gaur Fomento Beraun Cren kontra. Partidua Oreretan izango da arratsaldeko 16:00etan. Hernani Bk atsedena du astebukaera honetan.

Boleibola
Lehenengo dibisioko bi taldeek partiduak gaur eta bihar
Mutilen kategoriko taldeak partidua du gaur arratsaldeko 16:00etan Trueba-Sestaoren kontra, Sestaoko kiroldegian. Nesken kategorian, Hernanik partidua du bihar C.D Fortunaren kontra, goizeko 11:00etan Hernaniko kiroldegian.