Untitled Document

Jubilatu Etxea berritu eta ordenadore gela internetarekin, 2004rako asmo nagusiak
Jubilatu Etxeak gela polibalente bat jartzeko asmoa dute, hitzaldiak, kultur ekitaldiak, bideo-gela eta abar jartzeko .Jubilatu Etxea da Hernaniko elkarterik haundiena eta urteko batzarra egin berri du.

Jubilatu Etxeak urteko batzarra egin du eta gehiengo haundiz onartu ziren zuzendaritzaren balantze eta proposamenak. Hernaniko elkarterik haundienak erronka anbiziosoak ditu aurrera begira, eta horietako batzuk aurreratuta ditu gainera. Manuel Fernandez lehendakariak adierazi zuenez, batetik, Jubilatu Etxeko sarrera berritu egingo dute eta portal bat egin. Barruan ere, inmobiliario berria sartuko dute eta ordenagailu gela bat jartzen ari dira, interneta ere izango duena edadeko jendeak ere teknologia berriak erabiltzeko. Zentzu honetan, informatika ikastaroak emateko asmoa dute. Sarrerako obrak Inauteriak pasata laister hasiko dira, eta ordenadore gela hilabete eta erdian martxan egon liteke.
Beste proiektu garrantzitsu bat erabilpen askotako gela edo gela polibalente bat jartzea da, hitzaldiak, antzerkia, kultur ekitaldiak, eta bideo emanaldiak antolatzeko. Bestalde, Goiz Eguzkiko bulegoa informatizatu nahi dute eta dauden zerbitzuak hobetu egin nahi dituzte: ileapaindegia, tentsio hartzea, oinak zaintzeko, eta sukaldea, besteak beste.

Erakundeen babesa
Joxan Rekondo Alkatea eta Andoni Amonarraiz Patronatuko lehendakaria izan ziren batzarrean eta Jubilatu Etxeko aktibitatea txalotu dute. Era berean, adierazi dute beren eskakizunei erantzungo dietela. Erakunde publikoek Goiz Eguzki elkarlan estua agindu dute.

Egoitza atsegina egin
Goiz Eguzkiren helburua da “aurrekoen lanari jarraitu eta Egoitza ahalik eta atseginena egiten saiatzea”. Asmo horretan hainbat zerbitzu eskaintzen zaizkie bazkideei. Taberna martxan dute baina zuzendaritzak adierazitakoaren arabera, azken aldian ez dute zorte haundirik izan tabernako arduradunekin eta aurtengo erronketako bat izango da taberna zerbitzua iraun araztea. Horrekin batera musika emanaldiak, hitzaldiak, ibilaldiak, egunetako biajeak, karta txapelketak, ekitaldi, bola, toka eta igela jokok eta abar ere izaten dira.

2.400 bazkide
Ostiraleko batzarrean iazko urtearen balantzea egin zuten. Balantzeren arabera, Goiz Eguzkiko zentro sozialena gaur egun 2.400 bazkide daude eta horietatik 1.800 dira zentroaren eguneroko bizitzan parte hartzen dutenak. Aurten gainera, 48 bazkide gehiago dituzte. Goiz eguzkira egunero 350 bat pertsona joaten dira, baina igandetan, dantza edota telebistan kirol saioak daudela, 600 lagun izaten dira.

JENDE MUGIMENDUA
2.400 bazkide eta eguneroko bizitzan 1.800 pertsona. Egunero 350 lagun ibiltzen dira eta 600 igandetan. Bidaietan, 1.300 gora ibili dira eta kontzertuetan erabat bete da gela
ZERBITZUAK
Taberna, tentsio hartzea, hankak zaintzea, tailerra, sukaldea, ileapaindegia, gimnasia,
2003ko AKTIBITATEAK
Bidaiak, karta txapelketak; bola, toka eta igel jokoa; musika emanaldiak eta bailea, besteak beste

Konpartsa festa gaur kaleetan barrena
Aurrera taldea, Ttarla, Unai, Elizatxo, Urumea eta Langile ikastolako konpartsak aterako dira . Inmaculada ikastetxea ez da ari inauteriak ospatzen, doluagatik.

Konpartsak izango dira gaur inauterietako protagonita Hernanin. Eguerdiko 12:00etan hasita, Aurrera taldeak, Ttarlak, Unaik, Elizatxo, Langile eta Urumea ikastolak girotuko dute festa kalean. Hutsune bat ere da gaur, beste zenbait ekitaldietan bezala. Inmaculada ikastetxea ez da ari ekitaldietan parte hartzen Iban Rodriguez ikaslearen heriotzagatik. Inauteriak hasteko ekitaldian, pregoilari gazteek beren elkartasuna adierazi zioten Iban Rodriguez zenaren familiari eta Inmaculadako irakasle, ikasle eta gurasoei. Ekitaldi horretan, Aurrera taldeak omenaldia jaso zuen ezindu psikikoei laguntzeko egiten duen lanagatik.
Gaur arratsaldean, bestalde, haurrentzako berbena izango da Plaza Berrian, 17:30etan eta iluntzean Musika Eskolako trikitilari eta dultzaineroek girotuko dute kalea.
Bihar eta etzi ere izango dira ekitaldiak. Astelehenean, goizeko 10:00etan azeri dantza eta 12:00etan Potxin eta Patxin pailazoak izango dira Biteriko plazan. Arratsaldean, erraldoi eta buruhaundiak eta umentzako Klaketa antzerkia.