Untitled Document

Martindegiko poligonoa berrantolatzeko plan berezia onartu du Udal Gobernuak
‘Gomaytex’ ondoan, pabeloi bat eta urbanizazio berria egingo dute. Ereñotzun 24 etxe egiteko urbanizazio proiektua ere onartu du Gobernu Batzarrak eta etxeen proiektua bera ere tramitean da.

Martindegi ondoan dagoen industria poligonoa berrantolatzeko plan berezia onartu du aste honetako Gobernu Batzarrak. Astigarragan Txalaka poligonoa martxan jartzeak ekarri du inguru guzti hori berrantolatzea. Hernaniko aldeari dagokionez, Gomaytex ondoan pabeloi berria egingo da eta inguruko urbanizazioa ere bai. Ergobitik Martindegirako atzeko bide bat moztuta dago, eta urbanizazioaren barruan bide horri segida emango zaio rotonda aldera. Bestalde, Akarregiko poligonoan beste pabeloi bat egiteko eskaera ere onartu du aste honetako Gobernu Batzarrak.
Ereñotzun 24 etxebizitza egiteko prestaketa lanak hasita daude. Gobernuak hasierako onarpena eman dio urbanizazio proiektuari, eta etxeak egiteko proiektua bera ere gutxi barru onartuko du, atzo pasa baitzuen Hirigintzako tramitea.
Auzolan programa
Auzolan formazio eta lan programa bat da eta bilatzen duena da salario soziala edo tankerako laguntzen bat jasotzen duten pertsonak lan munduan sartzea. Udalak programa horretan sartzeko eskatu dio Jaurlaritzari. Hernaniko kasuan, zortzi pertsona arituko dira formazio ikastaro eta lanean, garbitasun industrialean.

Elkarbizitza gaietarako Batzorde espezifikoa
izango du Udalak

Proposamena hurrengo Plenora joango da, Bozeramaile Batzordeak onartuta.

Hernaniko Udalak elkarbizitzarekin zerikusia duten gaietarako Batzorde espezifiko bat izango du. Gobernuaren proposamena da eta herriko elkarbizitza hobetzea da helburua nagusia. Joxean Rekondo Alkatearen esanetan, elkarbizitza lehentasuneko gaia da Udal gobernuarentzat, eta Udalak heldu egin dio dagokion erantzukizunari. Alkateak aitortu du Bizikidetza Batzordearena ez dela lan erreza, gai konplejoa delako, eta are gehiago Hernani bezalako herri batean.
Bizikidetza Batzordea, Hirigintza edo gainerako batzordeak bezalaxe, parte hartze aldetik erabat organu irekia eta publikoa izango da. Berez, ez du erabaki ahalmenik, baina hor onartzen diren proposamenak dijoaz gero Pleno edo Gobernu Batzarrera. Batzordean botoa korporazioko ordezkari politikoek dute botoa.
Iniziatiba berri hau Bozeramaile batzordean eztabaidatu da aste honetan eta aldeko diktamenarekin datorren asteko Plenora joango da.

“Behetik gora”
Elkarbizitza Batzordearen atzean dagoen planteamendua da Udala dela “herritarrengandik hurbilen dagoen erakundea eta berari dagokiola bizikidetzaren kalitatea etengabe hobetzea”. Plenora joango den proposamenaren esanetan “Elkarrekin bizitzeak ez du esan nahi denak uniformeak izan behar dugunik. Elkarrekin bizitzea komunitatean bizitzen ikastea da, biolentziak edo biolentzia mehatxuak ideia desberdinak dituzten pertsonen arteko harremanak zeharkatu gabe. Alde horretatik, planteamendu honen apustua da”komunitatea behetik gora berriz ereikitzea, guztion arteko elkarbizitza errealitate bihurtuta”. Era berean, kontsideratzen du elkarrekin bizitzea dela aniztasuna eta desberdintasuna integratzeko mekanismoa etengabe bilatzea, eta gizarteko kide guztien arteko elkartasuna eta komunikazioa bultzatzea.

Ekintzak
Elkarbizitza Batzorde honek aurrera eraman litzakeen ekintzei dagokionez, bi ardatz planteatzen dira. Batetik, Udalak berak zuzenean antolatu ditzakeen ekintzak egongo lirateke, eta bestetik herritarren iniziatibak bultzatzeko asmoa du. Batzordea hilero bilduko litzateke.

Elkarbizitza Batzordea Jarduera markoa

- Demokrazia eta askatasuna defendatzeko eta euskal gizartearen aniztasuna errespetatzeko adierazpen zibikoa (EUDELen adierazpena).
- Pertsona guztien giza eskubideen defentsa.
- Gerraren eta terrorismoaren zarrasta edo mehatxua jasan duten edo jasaten ari direnekiko elkartasuna.
- Herritarren parte hartzea sustatzea.
- Elkarrizketa eta komunikazioa integrazio politikorako eta gizarte kohesiorako tresna gisa.
- Eusko Legebiltzarrak eta Eusko Jaurlaritzak udalerrirako aurrikusiak dituzten planak garatzeko lankidetza.