Hernani
Institutuko Plan Estrategikoa
Inguruan erreferentziazkoa izatea, gestioa hobetzea
eta eskaintza euskeraz egitea dira Institutuaren helburuak
Hernani Institutuak 2006 bitarteko Plan Estrategikoaren aurkezpena
egin zuen astelehenean. 2004-2006 bitarteko 5 helburu jarri dituzte
arlo ezberdinetan, Institutuaren kalitatea hobetzeko asmoarekin.
Hernani
Institutuak herenegun aurkeztu zuen 2006 bitarterako plan estrategikoa.
Aurkezpenean izan ziren Patxi Apezetxea, Hernani Institutuko zuzendaria,
Txema Mercado, Euskera eta Hezkuntza Zinegotzia eta Iñaki Mujika,
Eusko Jaurlaritzako Lanbide Heziketa zuzendaria. Plan Estrategiko
honen oinarrian daude Hernani Institutuak 2006 bitartean bete beharreko
5 helburu. Helburu hauek nola aurrera atera eta institutuari buruzko
beste hainbat analisi ere agertzen dira plan estrategikoan: eginkizuna,
baloreak, ahuleziak, indarrak eta Institutuak nola ezagutua izan nahi
duen, besteak beste.
5
helburu
Hernani Institutuak egindako plan estrategikoak markatutako bost helburuetan
aurrenekoa da zerbitzuaren kaliateagatik ezagutua izatea, ikastetxearen
gestioan pertsonen partaidetza bultzatuz.
Bigarren helburua jarri dute ikastetxeko kanpo harremanak era eraginkorrean
antolatzea eta gestionatzea. Harremanak eduki beharreko horiek oinarrian
dira, ikasleen jatorrizko ikastetxeak, gizarte eragileak eta inguruko
enpresa kolaboratzaileak.
Beste helburu bat da ikastetxeko baliabideen kudeaketa eraginkorra
lortzea. Arlo honetan gestionatu beharrekoak dira: ekonomi baliabideak,
eraikuntza, instalazioa, ekipamendu didaktikoak eta ekipamendu teknologikoak.
Guzti honen gestioa edo kudeaketa sistematizatzeko asmo du Institutuak.
Markatu duten 4garren helburua da, prozesuen gestioa sistematikoki
berrikusi eta hobetzea. Izan ere, Hernanin Institutuak baditu kalitatearekin
zerikusia duten hainbat zertifikatu eta hauek etengabe errebisatzea
eta ebaluatzea dute asmoa.
5garren puntua Institutuko eskaintza eta harremanak euskeraz eskaintzeari
buruzkoa da. Asmoa dute eskaintza guztia eukeraz egitea, eta baita
barruko harremanak eta dokumentuak euskeraz egitea ere.
Kalitate
sistemak
Hernani Institutua duela 4-5 urte kalitatearen inguruko sistemetan
sartuta dabil eta plan estrategiko hau ere Hernani Insitutuak hainbat
alorretako kalitatea hobetzeko asmotan diseinatu dute, iniziatiba
propioz. Kalitatearekin zer ikusia duten beste sitemetan ere sartuta
dabil Institutua: ISO eta EFQM esaterako. Patxi Apezetxearen hitzetan
sistema hauek kalitatea hobetzen laguntzen dute funtzionamendu arlo
guztietan eta gainera hauek sistematizatzen laguntzen dute.
2006
bitartean bete beharreko 5 helburuak:
1) Zerbitzuen kalitateagatik ezagututako ikastetxea
izatea, bere garapen eta gestioan pertsonen partaidetza bultzatuta.
2) Ikastetxeko kanpo harremanak modu eraginkorrean antolatu eta
gestionatu.
3) Ikastetxeko baliabideen gestioaren kudeaketa eraginkorra lortu.
4) Prozesuen gestioa sistematikoki berrikusi eta hobetu.
5) Derrigorrezko Ondorengo Irakaskuntzan inguruko D ereduko (euskeraz)
ikastetxeetan erreferentzia izatea. |
Ontologiako
Nazioarteko Kongresua Hernanin bukatuko da gaur
Chillida-Lekun izango da. 17:00etatik aurrera hitzaldiak izango
dira, eta musika emanaldi batekin bukatuko da eguna n Logos-ari buruzko
erakusketa dago.
Ontologiari
buruzko Nazioarteko Kongresua, Hernanin hasi eta Hernanin bukatuko
da. Gaur arratsaldean kongresuko azken bi hitzaldiak, balorazioa eta
musika emanaldia izango dira Chillida-Leku museoan. Logos, genetik
hizkuntzara, hori da aurtengo Nazioarteko Ontolo-gia Kongresuaren
gaia. Irailaren 30ean hasi zen eta lehenbiziko hitzaldia Steven Pinker
Harvar-eko Unibertsitateko adituak eman zuen Zabalagan.
Gaur arratsaldean Eudal Carbonell Atapuercako zuzendariak hitz egingo
du lehenbiziko hitzaldian. Teknika selekzioaren bidezko humanizazioaz
arituko da.
Ondorenean, genetikatik hizkuntzarako bidean artearen estadioari buruz
arituko dira zenbait espezialista. Arratsaldeko 19:00etan Kongresuko
bukaera ekitaldia izango da, Hilary Putnam Kongresuaren ohorezko lehendakaria
bertan dela.
Ontologiako kongresua dela eta Logos. Hitzaren espazioa izeneko erakusketa
jarri dute Zabalaga baserrian. Erakusketak Chillidaren eskultura,
gabitazio, grabatu eta marrazkiak biltzen ditu. Yves Bonnefoy, San
Juan de la Cruz eta Parmenides dira erakusketaren ardatzak, J. S.
Bach musikariarekin batera. Urtarrila arte dago zabalik.
Ehiza
Jose
Luis Perez Vacas Eslovakian izango da aste honetan Munduko Ehiza Txakur
Txapelketan
‘Ubarbuko Begi’ txakurrarekin joango da mundialera
aste honetan.
JOSE
luis Perez Vacas Eslovakiako Munduko Ehiza Deportiboko txapelketan
izango da aste honetan. Ubarbuko Begi txakurrarekin hartu du parte
mundialean, arraza kontinentaleko txakurren taldean.
Jose Luis Perez Vacasek adierazitakoaren arabera, Eslovakiara postua
lortzeko sailkapenak gogorrak izan dira. Izan ere, abuztu bukaera
eta iraila osoan zehar Toledon eta Sabiñanigon pasa ditu astebukaerak
mundialeko klasifikazioko pruebak egiten. Bertara 3 txakur aurkeztu
zituen eta Begi da horien artean sailkatu dena: “klasifikazio
zaila izan da terrenoa oso lehorra zegoelako eta txakur beteranoek
bakarrik izan dute sailkatzeko aukera” azaltzen du. Ez da aurreneko
aldia Ubarbuko Begi txakurrarekin emaitza onak lortzen dituena, lehenago
ere Europa eta Mundu mailako txapelketetan aritu baita.
Datorren
astean Toledon
Datorren astean, hilaren 16 eta 17an, Espainiako Kopa jokatuko da
Toledon eta Jose Luis Perez Vacas bertan izango da. Bestetik, hilaren
30 eta 31n Espainiako Txapelketan izango da. Urrian ehiza praktikoko
txapelketak bukatuko dira eta urte bukaera aldera Andaluzian izango
den Udaberriko txapelketara joango da.