Kanposantua
haunditu eta Elizatxoko urbanizazioa berritzea, aurtengo Udal inbertsio
nagusiak
Latxunben piszinak egiteko eta tren apeaderorako
irisbide mekanikoa jartzeko proiektuetarako partidak ere jasotzen ditu
Gobernuaren proposamenak. Denera, 3.880.392 euroko inbertsioak egingo
dira
Udal
Gobernuak osatu du 2004rako Aurrekontuen proposamena. Aurrekontu osoa
20.118.763 eurokoa izango da eta horietatik 3.880.000 inbertsioak egiteko
erabiliko da, 2003an baino ia % 16 gehiago. Proposamenaren arabera,
inbertsio partidarik haundiena hilerria haunditzeko izango da, 1.200.000
eurokoa hain zuzen ere. Hala ere, aurreko Plenoak Alkateak adierazi
zuen proeiktuak aldaketak izan litzakeela, herrian dagoen panteoi eskariaren
arabera. Beraz, inbertsio partida era ez da oraindik erabatekoa.
Herri lan eta zerbitzu publikoetan planteatu dira inbertsio gehienak
3.880.000 eurotik 2.150.000 euro inbertituko dira sail horietan. Elizatxon
(Oriamendi Kooperatiba) urbanizazioa berritu egingo da eta La Cumbren
urbanizazioaren bigarren fasea egitea proposatu du Gobernuak. Antziola-Latsunbe
enlazerako proposamen berria eta bidegorri sarea ere sartzen dira inbertsio
proposamenean.
Grua
berria
2004rako inbertsio proposamenak 38.000 euro aurreikusi ditu grua berria
erosi eta zerbitzua martxan jartzeko. Lehenago, grua alkilatu egin zen,
baina, problemak eman zituen eta enpresak ez zituen bere konpromisoak
bete. Orain, proposamena aurrera ateratzen bada, Hernanik bere grua
propioa izango du.
Proiektuak
Gobernuaren inbertsio proposamenak 354.000 euroko partida jaso du aurten
zenbait obretarako proiektuak egiteko. Proiektu horietako bat Latsunbe
inguruan piszina irekiak egitea da, eta bestea tren apeaderorako irisbide
mekanikoa jartzea. Ikusteko dago eskailera edo beste formula bat izango
den. Bestalde, Karabelen Olaeta plaza berritu eta Renfe ondoan aparkalekua
jartzeko proiektuetarako partidak jasotzen dira. Sandiusterri eta Larramendi
kale arteko zati hori nola egokitu aztertuko da baita ere. Urumea ertzak
aisialdirako egokitzeko proiektua ere aurreikusten du Gobernuak. Merkataritzari
dagokionez, Merkataritza Mahaia martxan da eta gai honi buruzko proiektua
egingo da.
Joxan Rekondo Alkateak adierazi du aurrekontu proposamena dagoeneko
Udaletxeko gainerako alderdien eskuetan dagoela beren aportazioak egiteko.
|
2004rako
inbertsio nagusiak (eurotan)
|
Kanposantua
|
1.200.205 |
La
Cumbreko urbanizazioa (bigarren fasea)
|
287.496
|
Grua
zerbitzua
|
655.613
|
Bideak
eta kaleak konpondu
|
38.000
|
| Ingurugiroa |
109.000
|
Berdeguneak
eta parkeak
|
147.246
|
| Kultura |
143.497
|
| Proiektuetarako
inbertsio nagusiak: 354.000
|
Karobietako
plazako urbanizazioa
|
Piszina
irekiak egiteko proiektua
|
Bidegorri
sarea
|
Herri
bideen inbentarioa
|
Olaeta
plaza berritu
|
Karabalen
aparkalekua Renfe ondoan
|
Urumea
bi aldeak egokitu
|
Merkataritza
proiektua
|
Larramendi
kale ondoa urbanizatu
|
Apeaderoran
eskailera mekanikoa*
|
Ezker
Abertzaleak Bergarako Eskaintzari buruzko hitzaldia antolatuko du bihar
Sandiusterrin
Ezker
Abertzaleak proposamena egina du indar abertzaleak elkarrekin joateko
datozen Espainiako hauteskundeetan. Bihar, osteguna, Bergarako Eskaintza
bezala ezagutzen den horri buruzko hitzaldia izango da Hernanin, Ezker
Abertzaleak antolatuta. Hitzaldia, arratsaldeko 20:00etan da Sandiusterriko
hitzaldi aretoan. .
Pedro
Elizondo Elur-Txoriko lehendakari berria
Mikel Armendarizek, aurreko juntako lehendakariak adierazi du bai
Batzarra eta bai urtea ondo joan direla . Larunbatean egingo dute kargu
aldaketa.
Elur-Txori
elkarteak igandean egin zuen urteko batzarra. Junta aldaketa urteko
balantzea ziren puntu nagusiak. Pedro Elizondo izango da Elur-Txoriko
lehendakari berria, datozen bi urteetan eta kargu aldaketa larunbatean
egingo dute. Aterako den zuzendaritzak eta sartuko den berriak bazkaria
egingo dute gero.
Azken bi urte hauetan Mikel Armendariz izan da Elur-Txoriko Juntako
buru eta Armendarizen hitzetan, bai igandeko batzarra eta bai urtea
oso ondo joan dira. Kaldereroak, San Joanetako Baserritar Eguna, Leitzako
mendi ibilaldia, eta abar dira Elur-Txorik antolatzen dituen ekitaldietako
batzuk. Testimonio gisa eta Leitzako mendi ibilaldiari dagokionez, Armendarizek
azaldu du gogoan geldituko zaiola 2003 izan zela ibilaldi horretara
emakume bat joan zen aurreneko urtea.
Mus
txapelketa azken fasean
Elur-Txoriko mus txapelketa azken fasean sartu da eta aste honetan erabakiko
da semifinalak zeinek jokatuko dituzten. Partidak, gaur, binaka: Garcia-Guardado/Yosu-Gorka;
Karrera-Mitxelena/Paco-Arraras; eta banaka: Esnal/Ormazabal, Joxan/Gorka.
Bihar, berriz, Arozamena-Lapazaran/Armendariz-Olazar (Martinez-Zubilaga
libre) eta Burugain/Lopez; Lapazaran-Txatxon.
Guatemalari
buruzko erakusketa ostirala arte zabalik Biterin
Arratsaldeko 18:00etatik 20:00etara dago ikusteko aukera . Zuzeneko
Elkartasuna ONGak antolatu du.
Guatemalari
buruzko erakusketa antolatu du Zuzeneko Elkartasuna ONGak. Zuzeneko
Elkartasuna taldea Guatemalako Fray Bartolomé de las Casas herrian
lanean dabil 1996garren urtetik eta erakusketako argazkitan ikusi daiteke
inguru hartan egindako lanak eta eguneroko bizitza. Horretaz gain, artisau
lanak eta Zuzeneko Elkartasuna taldeari buruzko informazioa panelak
ere badaude.
Emakumeekin
lanean
Zuzeneko Elkartasuna batez ere Guatemala inguru horretako Adelina Caal
Maaquin emakume taldearekin aritu da lanean hainbat alorretan: hezkuntzan,
antolaketa lanetan, bizi kalitatea hobetzen laguntzen, etxeak eraikitzen,
eta abar.