Coro
Dominguez -Ezaguerari eragiten dioten gaitzei buruzko ikastaroa
“Alzheimerra eta bestelako dementzia dutenei
lagundu egin behar zaie gauzak egiten, ez beren ordez egin”
Dementzia bat baino gehiago dago; ondorio eta sintoma desberdinak
dituzte Dominguezek dioenez. Gaixoen senitartekoek informatu, errekurtsoak
bilatu eta gaixoa ulertzen ikasi behar dutela dio.
Lahar
elkarteak antolatuta, kurtsoa ematen ari dira Biterin, ezaguerari eragiten
dioten gaitzak dituen jende heldua zaintzen ikasteko. Coro Dominguez
ari da kurtsoa ematen eta bere hitzetan, gaixoak ulertu egin behar dira
ondo zaindu ahal izateko. Gaur egunean heldu asko bizi da etxean eta
dementziaren bat duena zaintzeko preparatu egin behar du jendeak, familiakoak
nahiz zaintzaile profesionalak izan.
Sintoma
desberdinak
Burmuina lobulo desberdinetan banatua dago eta bakoitzak du bere funtzioa.
Segun burmuineko zein parte den huts egiten hasten dena gaixoak sintoma
bat edo beste izango du eta modu batera edo bestera jokatuko du. Normalean,
pertsona batek dementzia duenean bera ez da konturatzen eta bere ingurua
da lehenago jabetzen dena, portaera aldaketa haundi bat duelako edo
gauza arraroak egiten dituelako.
Dominguezek dio gaur egun psikosis haundia dagoela dementzia kontuekin,
Alzheimer hitza entzun ezkero batipat. Jakin behar dugu memorian arazoak
dituzten heldu guztiek ez dutela dementzia. Bestalde, atentzioa jarri
behar zaie sintoma depresiboei, Alzheimerraren hasiera izan bailitezke
hauek.
Informatu
eta laguntza bilatu
Gaixoarekin lan egiteko prestaketan informatzea da lehen pausua Dominguezen
hitzetan, gaixoa ulertu eta bere jokaerak eta sentitu lezakeena interpretatu
ahal izateko. Dioenez joera haundia dago bestela, dementzia bat duenari
dena egiteko, edo gauzak aurpegiratzeko eta hori ere ez da egin behar.
Gaixoa estimulatu egin behar da, ahal duena berari egiten utziaz. Ezintasunetan
laguntzea da zaintzailearen lana, baina, gaixoa erabat anulatu gabe
eta bere jokaera berezia ulertuta.
Horrekin batera garrantzitsua dela dio, udalak jende heldua zaintzeko
zein baliabide jartzen dituen jakitea: eguneko zentroak direla, etxerako
laguntzak direla eta abar, zaintzaileak eta familiak egunean zehar lasaitzeko
aukera izan dezan, 24 orduetan gain-gainean egon gabe. Eta horrez gain,
norberarentzako laguntza ere bilatu behar du zaintzaileak, askotan egoera
gogorra izan bailiteke beretzat ere. Laguntza hau AFAGI elkartean (Gipuzkoako
Alzheimerdunen familiarren elkartea) izango du. Esperientzia hau familian
pasa duen jendeak osatzen du elkartea. Telefonoa da 943 29 71 18.
Edadetuak etxean zaindu ezin direnean eta erresidentzietara jotzen denean,
Dominguezek dio jakin behar dela helduak zaintzeko leku espezializatuak
direla. Hori bai, garrantzitsua irizten dio egiten dituzten interbentzio
programei buruz informazioa eskatzean, helduaren osasun fisikoaz gain,
psikikoa eta soziala ere kontuan hatzen dutela ziurtatzea.
Esanda
Bezala
“Memoria galtzeak ez du esan nahi dementzia bat dugunik;
eta kontrakoa, baliteke pertsona bat depresioarekin dagoela uste
izatea eta hori bera izatea gaitzaren sintoma”.
“Erresidentzietan
gero eta edadeko jende gehiago dago eta ulertu egin behar da,
familia guztietako egoera ez baita berdina. Hori bai ondo aukeratu
behar da nora eraman.
“Alzheimerra
sendatu ezin da egin, baina, gaitzari eutsi bai. Horretarako gaixoa
estimulatu egin behar da eta egin lezakeena egiten utzi, erabat
anulatu gabe”. |
Waterpoloa
Hernani A eta B elkarren kontra bihar
Partidua 13:00etan da. Gaur nesken taldeak jokatuko du Santoñaren
kontra, kanpoan.
Waterpoloko
nesken ekipoak Santoñan jokatuko du gaur ligako partidua, arratsaldeko
20:00etan. Bihar, berriz, mutilen txanda da eta waterpolo festa izango
da kiroldegiko piszinan. Hernani Ak eta Hernani Bk elkarren kontra jokatuko
dute partidua, eguerdiko 13:00etan. Berez, lehenengo taldea izango da
faboritoa, baina, emaitzak ez du garrantzi haundirik izango. Aurreneko
taldea lider dijoa alde haundiarekin eta Hernani Bk ere 5garren segiko
du.
Jasota
Bezala (Gutunak)
Hernaniko igeriketa monitoreak
Urtarrilaren 16an Barrio zinegotziaren
eskutitz bat argitaratu zen zenbait komunikabidetan. Eskutitz horretan
zera zioen: ez garela behin betiko langileak eta Udalak egiten zigun
eskaintzak orain arte izan ditugun lan baldintzak hobetzen dituela.
Zinegotziak dio denbora alferrikaltzen duela eskutitzak bidaltzen eta
denbora agortzen ari zaigula. Uste dugu Udal Zerbitzuetan gertatzen
ari denaz jendea informatzea ez dela denbora alferrikaltzea eta prest
gaude gure denbora Barrio jaunarekin elkarrizketatu eta eztabaidatzen
emateko. Urtarrilaren 15ean guk gerok eman genion Barrio Zinegotziari
Goi Auzitegiaren epaia: bertan garbi esaten da behin betiko langileak
garela. Udal Patronatuaren errekurtsoak ez du aurrera egin, alderantziz
arrazoia guri eman digute.
Enpresa bihurtzera behartu nahi gaituzte. Esan ziguten hainbat datu
emango zizkigutela, guk aztertzeko. Zehatzago esanda informe batzuk
eskatu genituen, profesional baten laguntzaz, balizko enpresa baten
biabilidadea aztertzeko. Udalak ezer idatziz emateari uko egin dio.
Ezin diogu beraz proposamenari erantzun ere egin.
Esan bezala Goi Auzitegiak erabaki du behin betiko langileak garela
baina oraindik orain ez dakigu Urtarrilaren 31tik aurrera zer gertatuko
zaigun, Barrio Zinegotziak kontratua egun horretan bukatzen zaigula
esan baitigu.
Ainhoa
Makazaga, Idoia Zubeldia, Mirari Goizueta, Monika Porto, Mikel Fernandez.
Kiroldegiko Igerilekuko langileak.