Untitled Document

Karabel eta Portu arteko bidean espaloia jartzea da, auzoek Udalari egindako eskarietako bat
Auzotarrak elkarteak auzoen beharrak azaldu dizkio Udalari, aurrekontu publikoak osatzeko egindako bileran. Autoentzako aparkalekuak egin eta egokitzea da auzo askok ekatu dutena.

Udala aurtengo aurrekontua prestatzen ari den garai honetan, herriko auzoei beren beharrak azaltzeko eskatu die, eta auzo elkarte gehienak biltzen dituen Auzotarrak elkarteak auzoz auzoko eskaria egin du: Karabel, Sorgintxulo, Antziola, Santa Barbara, Akarregi eta Latxunbek egin dute eskaria. Tartean badira egokitzeko eskariak eta proiektu berri eta haundiagoak ere bai. Gero eta auto gehiago dagoen honetan, nabarmena da auzoetako arazoetako bat kotxeen aparkalekuarena dela, auzo gehienek baitute horrekin lotutako eskariren bat. Jendea oinez ibiltzen den inguruetan espaloia jartzeko eskariak ere badaude: Karabel eta Portu arteko bidean, eta Galarretatik Urnietarako bidean adibidez.

Auzoek udalari egindako eskaerak

Karabel
- Aparkalekuak behar dituzte eta proposatzen duten tokia da Apeaderoko tuneletik Balantxako tunelera dijoan baratza tartea.
- Balantxako aldapan argiak jartzea eskatu dute eta tren apeaderoko tunel kanpokaldea asfaltatzea.
- Karabelgo elkarteak aspalditik eskatzen duena da auzoa eta Portu auzoa elkartzen dituen bidean espaloia jartzea, jende asko ibiltzen baita paseatzen. Auzotik Eguzki baserrirainoko tartean espaloia jartzea ere eskatu dute.
- Ibaiondo industrialdean egin duten oinezko bidea Karabelgo zubiarekin elkartzea.
- Urumea ibaia dragatzea.
Sogintxulo
- Aparkamentuak behar dituze eta futbol kanpo ondoan dauden terrenoetan jartzea proposatu dute.
Santa Barbara (Arrigoainpea)
- Kotxeentzako bidea nahikoa ez dela eta irtenbideak eskatzen dituzte.
- Aparkalekuak egoki jarri eta seinalizatzea eskatzen dute.
- Auzoko leku batzuetan garbiketa ez dela egiten diote.
- Elektrizitate sarea oso zaharkitua eta egoera txarrean dagoela diote.
- Elkarteko lokala haunditzea eskatzen dute eta aukerak badaudela diote.
- Arrigoainpeatik Marieluts Txikirako bideari irtenbidea ematea eskatzen dute, egoera oso txarrean dagoela-eta.
- Harrobia egokitzeko lanetan Udalak esku hartu behar duela diote, garbitasunari dagozkion normak betetzeko.
- Pilak birziklatzeko kontainerra eta ontzientzako horia falta direla diote.
- Langile ikastolako arbolak kimatzea eskatzen dute.
- Auzoan akanpada librea egiten dela-eta keja dira: txabolismoa, zikinkeria, arratoiak, kiratsa, txerri eta txakurrak libre, ibilgailuak nonahi eta “zalantzazko jarduerak”.
- Trafikoa asko igo dela eta, eskatzen dute Laubidietan:
a) Infrakzioak eta ondorioak zaintzea.
b) Semaforoa ondo zaintzea.
c) Peatoiek eta auzora dijoazen kontxen zain egoteko denbora arintzea.
d) Eskolarrak eta zebra bidea markatuko dituen seinaleak jartzea.
- Urnietara eta Galarretara joateko espaloia jartzea.
Akarregi
- Poligonoko obrei jarraipena egiteko eskatzen dute, konstruktoreak normak betetzerako orduan utzikeria haundia dutela eta.
- Obren ondoren auzoa ostazen duten etxeen ingurua egokitzea.
- 12garren portal ondoan kontenedore horia jartzea.
Latxunbe
- Marieluts eta Latxunbe arteko iturriek ura etengabe botatzen dute eta txakurrek eta umeek leku beretik edaten dute.
- Urbietatik Latxunberako arranpan pareta dago eta bere garaian Udalak harriz forratuko zuela esan zuen eta oraindik ez da egin.
- Aparkalekuak garajeetan tapoiak sortzen ari dira.
- Auzoko farmazia aldetik autoz ateratzeko arazoak daude, trafikoa dela eta.
- Tiro kanpoak arazo izaten jarraitzen du.
Antziola
- Etxeberrirako bialean argiak jartzea eskatu dute eta aparkamentuetako marrak margotzea.

Abizenak euskeraz jartzeko kanpaina
Buruntzaldeko Euskera Batzordeek euskerako idatzi-orri ereduak zabaldu dituzte.

Buruntzaldeko Euskara Batzordeek Abizenak euskeraz, oso errez kanpainaren berri eman zuten atzo, Lasarteko Manuel Lekuona kultur etxean. Ekintza horren helburua da herritarrei erakustea abizenak euskeraz jartzeko zein pauso eman. Guztira, 1.740 esku orri eta 242 kartel argitaratu dira. Kanpaina bereziki 18-19 urtekoei zuzendu zaie, edade horrekin berritzen baita Nortasun Agiria. Adin tarte horretakoa ez denak Euskera Zerbitzuan du informazio guztia.
Buruntzaldeko Euskera Batzordeek Idatziak liburua ere banatu dute. Idatziak euskerazko idatzi-ereduak ematen ditu erreklamazioak egin, doluminak eman, gonbitak, Udalarekiko harremanak eta abar egiteko. Liburua Debagoieneko udalek egina da eta Hernanin 1.000 ale banatu dira. Nahi duenak Euskara zerbitzuan du.

BDX Saxofoi Laukotea gaur Milagrosan
Gaur arratsaldeko 19:00etan n Judith Montero, Esteban Vila Tormo, Jose Luis Garcia, Vincent Minguet eta Sue Wang dira saxofoi joleak.

Gaur saxofoi kontzertua eskainiko du BDX saxofoi laukoteak. Laukotea osatzen dute, Judith Montero hernaniarrak, Esteban Vila Tormo valentziarrak, Jose Luis Garcia murtziarrak eta Vicent Minguet valentzirrak. Laukoatearekin batera Sue Wang saxofoi jole txinatarra izango da eta erakutsiko du saxofoiarekin musika herrikoi txinatarra ere jo daitekela. Judith Monterok adierazitakoaren arabera hori izango da kontzertuko alde interesgarriena. Kontzertua arratsaldeko 19:00etan izango da Milagrosan.
Bordelen sortutako laukotea
Gaur kontzertua eskainiko duten saxofoi joleak Bordeleko kontserbatorioan egin zuten topo. Musikari guztiek saxofoi goi mailako ikasketak bukatu ondoren Bordelera joan baitziren ikasketetan sakontzera.