Mendiriz
Mendik 26 mendi irteera antolatu ditu heldu eta umeentzat 2004rako
Helduentzako lehen ibilia igandean da, Donostiatik Pasai San Pedrora
eta gaztetxoentzakoa urtarrilaren 18an Loatzo Mendira n Mendiko material
merkadiloa hilaren 12tik 16ra da eta gauzak ostirala arte utzi litzake.
Mendiriz
Mendik urteko egutegia atera berri du eta 26 irteera izango dira, zailtasun
desberdinekoak. Badira irteerak hemen inguruan, pirineoetan, Alto Carrion
aldean eta beste hainbat mendietan. Irteeraz gain zerbitzu zabala eskaintzen
du Mendiriz Mendik: Mendiko federatu egiteko aukera; liburuak, mapak
eta abar ikusteko bidea; ikastaroak; diapositiba gela erabiltzeko aukera;
eta mendiko materiala alokatzeko modua (kranpoiak 3 euro, pioletak 3
euro, fondo eskiko ekipoa 4 euro, raketak 4 euro eta ortovox-a 7 euro).
Mendiko
material azoka
Datorren astelehenetik ostiralera bigarren eskuko mendiko material azoka
egongo da Mendiriz Mendin bertan. Nahi duenak utzi lezake materiala
hilaren 9a baino lehen eta txartel bat jasoko du. Saltzen bada dirua
hilaren 19tik 23ra jaso beharko da Mendiz Mendin eta saltzen ez dena
otsailaren 6a baino lehen jaso beharko du jabeak. Merkadiloa arratsaldeko
19:30etatik 21:00etara egongo da irekita materiala ikusi eta erosi nahi
duenarentzat.
Eski
ikastaroak urtarrilean
Urtarrilaren 17-18ko astebururako fondo eta alpino ikastaroa antolatu
du Mendiriz Mendik, urtero egiten duen gisan. Izen ematea astelehen,
ostegun edo ostiraletan egin liteke Mendiriz Mendin bertan, arratsaldeko
20:00etatik 21:00etara. Interesatuta daudenek urtarrilaren 12an egingo
dute bilera, arratsaldeko 20:00etan elkarteko bulegoan. Bilera horretan
azalduko dira ikastaroaren prezioa, ordutegia, eta bestelako zehaztasunak
eta jendeak dituen dudak argitzeko ere balioko du.
Bi irteera datozen bi asteburutan
Datorren iganderako helduentzako irteera antolatu du Mendiriz Mendik
Pasai San Pedrotik Donostiara. Bidaia itsasoa ikusiz egiten da bide
askoan eta paraje zoragarriak daude inguru horretan. Irteera Hernaniko
Apeaderotik egingo da goizeko 08:30etan. Izen emateko epea bihar bukatuko
da.
Bestalde, gaztetxoentzako irteera urtarrilaren 18an da, datorren igandea
zortzi. Loatzo mendira joango dira (633 metro). Irteera goizeko 08:00etan
egingo da Atsegindegitik eta prezioa da 2 euro gaztetxoentzat eta 4
helduentzat. Izen ematea egin behar da urtarrilaren 16a baino lehen.
Mendiz Mendik Iturregi plazan du bulegoa, Aristizabal kalean (Atsegindeko
aldapan gora), dagoen etxe multzoko erdiko plazan.
Helduen
irteerak
Urtarrilak 11: Donosti-Pasai San Pedro.
Urtarrilak 24-25: Iraupen eta alpino eskia.
Otsailak 29: Zuhaitz Eguna
Martxoak 28: Sarbil (1.139 m)- Mortxe (1.123 m)
Apirilak 3-4: Auñamendi ‘Anie’ (2.507)
Apirilak 18: Artzamendi (926 m)
Maiatzak 23: Ungino (1.105 m)-Tologorri (1.066 m)
Ekainak 19-20: Neouvielle (3.091 m)
Uztailak 24-25: Ayous (2.288 m)
Irailak 18-19: Espigüete (2.450 m)
Irailak 25: Mugarri Festa.
Urriak 17: Anboto (1.331 m)
Azaroak 14: Bazkide Eguna
Abenduak 19: Baigura (1.477 m)
Gaztetxoentzat Irteerak
Urtarrilak 18: Loazo (633 m)
Otsailak 28: Zuhaitz Eguna
Martxoak 21: Ibilaldi neurtua
Apirilak 25: Usurbe (707 m)
Maiatzak 9: Aurrera-Leurtza
Ekainak 6: Sarastarri (996 m)
Irailak 25: Mugarri Festa
Irailak 26: Ernio (1.075 m)
Urriak 10-11-12: Artikutza
Urriak 30: Finalista Eguna
Azaroak 7: Gaztelu
Abenduak 12: Aizkorriko (674 m)
Bestelako Irteerak
Ekainak 12-13: Arroila jaitsiera
Maiatzak 29-30: Mendi Bizikleta
Maiatzak 29-30: Eskalada ikastaroa.
Irailak 27-Urriak 2: Orientazio ikastaroa. Espeleologia
irteeraren eta Mendiko Eski ikastaroaren fetxak zehaztu gabe daude. |
Errege
Magoak herrian barrena ibili dira ostera eta harrera beroa izan dute
Meltxor, Gaspar eta Baltasar Sandiusterrira joan ziren aurrena bisitan
n Gero, Erregeak Marielutsetik atera eta herri barruan ibili eta plaza
egin zen azken ekitaldia.
AURTEN
berriz ere Errege Magoak Hernaniko kaleetan barrena ibili dira eta jendeak
benetan ongi etorri beroa egin zien. Meltxor, Gaspar eta Baltasar Orientetik
iritsi eta Sandiusterrin izan ziren aurrena beren opari eta guzti. Edadekoek
ere estimatu zuten bisita.
Sandiusterriko buelta eta gero, Marielutsetik atera eta herrian barrena
ibili ziren Erregeak eta beren komitiba luzea. Aurretik txistulariakbidea
zabaltzen, ondorenean paje ilada luzea, Meltxor, Gaspar eta Baltasar
hurrena karrozan eta Musika Banda komitiba bukaeran.
Karameluak
eta dantza
Errege Magoek bi ordu inguru behar izan zituzten herri barrua pasa eta
Plazara iristen. Bidea karameluak partituz egin zuten eta zenbait geldialdietan
dantzariak izan ziren protagonista. Azkenean, Plazan egin zen azken
ekitaldia eta umeek izan zuten Erregeekin egoteko aukera.
Kabalgatak zenbait gora behera izan ditu azken urteotan. Orain bi urte
ez zen egin baina, orduan talde bat osatu zen. Iaz iritsi ziren berriz
Erregeak Hernanira, Kabalgatarik egin ez bazen ere. Aurten berriz ere
ekitaldi arrakastatsua izan da eta kale bazterrak jendez lepo egon dira.
Ez zen, ordea, dena ongi etorria izan. Bideko zenbait puntuetan jendeak
arrautzak bota zizkion Kalbalgatari.
Santa
Barbarako harrobiaren gaia tratatuko du Udalak bihar Plenoan
Plenoa
egingo da bihar Udaletxean, arratsaldeko 18:00etan. Puntuetako bat Santa
Barbarako harrobiari dagokiona da. Bete lana egiteko lurra botatzeko
eta inguru hori paisaje aldetik hobetzeko eta parke rural moduan egokitzeko
lehiaketa deitu du Udalak eta ebazpena bihar eztabaidatuko dute Plenoan.
Herri barruko autobusari dagokion urteroko igoera ere bihar eztabaidatuko
da, beste hiru punturen artean.