Hasi
da merkealdia, eta Gabonetako kanpaina aurreko urteetako moduan joan
da
Merkatariek ustez azken hiru urteetan salmentak jeitsi egin dira,
horri arrazoi zehatzik aurkitzen ez badiote ere.
Merkealdiak
hasi dira Gabonetako oporrak bukatu eta gero. Komertzio batzutan Gabonak
bukatu eta berehala hasten dituzte, beste batzuek egun batzuk itxoiten
dituzte Gabonetako erosketetako ajeak pasa arte. Hainbat merkatarik
Kronikari adierazi diotenez zenbait komertziotan gero eta lehenago hasten
dituzte merkealdiak, Gabonetako promozioak eta horrelakoak erabiliz
Gabonetarako ekarri duten jeneroa saltzeko. Hala ere, jendea merkealdia
noiz iritsiko zai egoten da, eta nahiz eta oraindik kartelak jarrita
ez egon, galdezka sartzen da dendetara merkealdia hasi ote den.
Merkatari baten hitzetan, rebajak egiten dituzte batez ere neguan propio
saltzeko duten jeneroa dendatik ateratzeko bidea egiteko. Dena ere ez
dute berdin merketzen, eta normalean urte guztian saltzen den jeneroa
da gutxiena merketzen dutena eta batzutan prezio berdinean saltzen dute.
%
10, 20, 30 deskontua
Merkealdia orain hasi eta bi hilabete iraun dezakete tope eta merkatariek
adierazitakoaren arabera merkeladi hasieran eta bukaera aldean joaten
da jendea gehiena. Hasieran nobedadearengatik eta bukaeran merkealdiaren
merkealdia izaten delako. Hasiera baten %10, %20 edota %30eko deskontua
egiten dute eta merkealdi bukaeran prezio erdira edo gutxiagora saltzen
da jeneroa.
Beste
urtetan bezala
Gabonetako salmenentei buruz Hernaniko zenbait merkatarik Kronikari
adierazi diote beste urteen antzera ibili direla. Hala ere hainbat komertziotan,
arropa eta moda dendetan batez ere, adierazi dute duela hiru urtetik
hona salmentek behera egin dutela nahiz eta horren arrazoia zein den
oso ondo ez dakiten.
Zentro komertzialek asko markatzen dute herrietako merkataritza, ordutegiak,
prezioak eta ofertak erabakitzerako orduan. Merkatariak herriko jendea
erakartzen saiatzen dira herriko komertzioetara eta besteak beste, zozketak
eta erregaloak egiten dituzte bertan erosteagatik. Jai egunean ere ireki
egin dute hainbat dendek jendea erosketak egiten herrian gera dadin,
hori dela eta urtarrilaren 4ean, igandean, Hernanin hainbat denda ireki
egin zituzten.
Electroquímicako
istripua “failo humanoagatik” gertatu zen Jaurlaritzako
eta enpresako teknikoen esanetan
Udalatxeko
ingurugiro Sailak eta Electroquímica enpresako ordezkariak bilera
egin zuten atzo. Udalak espediente bat zabalduko dio Epeleko enpresari
asteazken goizaldean izan zen istripua zehatz nola eta zergatik gertatu
zen argitzeko. Hala ere, Jaurlaritza eta enpresako teknikoen arabera
“failo humano” batek ekarri zuen istripua, ez produkzio
sistemak. Udalak ere ontzat jotzen du hipotesi hori.
Inspekzioarekin
jarraitu
Electroquímican urrian gertatutako istripu haren ondoren, Udaletxeko
eta Eusko Jaurlaritzako zenbait departamenduk erabaki zuten Electroquimícako
produkzio sistema inspekzionatu eta aztertzea produkzio berrira egokitzeko
zein neurri behar diren, aktibititate lizentzia produkzio berrira egokitu
aurretik. Enpresa espezializatu bat ari da azterketa guzti hori egiten.
Ingurugiro Sailak erabaki du akordio horien segimendua egitea. Udalak
adierazi du poztu dela zauritutako langilea onera dijoalako.
Larunbateko
finalerako gustoko materiala bilatu zuten atzo lau pelotariek
Ezkurra-Olazar osaba-ilobek 118, 117, 118, 119, 119 eta 121 gramoko
pelotak hartu zituzten, eta Zeberio II-Auzmendik 122, 122, 120, 122,
123 eta 123koak.
Erremonteko
finalerako material aukeraketa egin zuten atzo Galarretan eta lau pelotariak
gustora atera ziren. Ezkurra eta Olazarrek material arinxeagoa aukeratu
zuten eta Zeberio II eta Auzmendik astunagoa. Bihar bi izar eta finala
lehen aldiz jokatuko duten bi pelotari izango dira kantxan eta nerbio
eta presioak asko markatu lezake partidua.
Izar haundiena, justuan
Ezkurra joko puntu txarrean harrapatu du txapelketak, baina, berak izango
du partiduko giltza eta “dena arriskatzera” aterako da Kronikari
esan dionez. Olazarrek lehen finala du eta 20 urteko gazte honek ilusio
haundiz hartuko du. Badaki kontrarioak bera bilatuko dutela, baina,
preparatuta eta ondo ikusten du bere burua.
Partidua
atzean
Zeberio eta Auzmendi partidua atzean kargatzen saiatuko dira: Ezkurrari
kendu eta ea Olazarrek behera egiten duen. Auzmendik ere lehen finala
du, baina, badaki partidua non egongo den: “sakean asmatu behar
dut eta Ezkurrari pelota kentzen”. Zeberiok ere atzean ikusten
du partidua eta “oso pelota ona hartzean arriskatuko dut aurrean”
dio.
Erremonteko urteko egunik haundienetakoa izango da biharkoa eta ikusiko
da beterania eta berritasuna zein bikotek uztartzen dituen hobeto. Aldez
aurretik ez dago faborito garbirik. Bihar, Galarretako jaialdiko bigarren
partidua izango da, 16:00etan.